鱉魚/水魚的飼養方法!!

我曾養過兩次,雖然唔算太成功,
不過都同你分享下經驗啦~

我果時養佢地既器材只有以下 :

- 7吋缸
- 彩砂缸
- 水榕
- 石塊

日常打理 :

- 每日餵一至兩餐
- 因無濾水器,約兩至三日換一次水同洗一次沙
- 千萬唔好放浮台,佢有可能曬死
(我試過有一隻上左去,無落返水,最後乾死左係上面....)

水魚唔一定要曬太陽既,不過得閒曬一曬都可以,
冬天最好多曬,而夏天就一定唔好曬咁多,水溫太高同樣會曬死~

比沙佢地唔會令佢地無咁易死,易唔易死非取決於佢地,
而係佢地既生命掌握係養家既手上,養得唔好就死!!
沙底放唔放就由你決定,都只係裝飾用~

建議你最好裝個濾水器,因為佢地屙屎都幾勁,
所以我每兩至三日就洗一次缸,d屎係水中不上不下咁,
好易污糟~

有時食野佢地會唔小心咬到另一隻水魚,唔駛擔心,
咬唔死,我見過好多次~
另想問問你買既水魚係咪10蚊三定四隻果類??
因為我養過呢種,都係用黎餵大魚既水魚,非飼養性質,
以前我養既兩次都係叫美國水魚,現時已經無得買了,
都係入袋賣既,依家養水魚最好去龜專門店,
佢地果度有賣叫鱉既水魚,果種就真正係飼養既~