被上司非禮(加插了新題問)-專業意見(萬分感激閣位)

唔洗擔心,我而家遂樣解俾你聽~

1.犯罪意圖
你有無曾經具體表明,你係不同意佢既行為?
因為,如果你只係內心唔鐘意, 而上司 合理地 誤以為你願意
佢就不會構成任何犯罪

2.上司抗辯理由舉例
呢三，四年..我只向朋友哭訴..>.<我遲d就會辭去份工唔做
你其實做左依份工幾年?

萬一上到法庭 上司既律師 好大機會 會質疑
點解你受到 非禮 騷擾,都仲仍然返工,而且咁多年都未有辭職
仲要事隔多年 先至去 報案

3.刑事追溯期
雖然 上司一方 可以提出很多 疑點去攻擊你
但係 你係有權 事隔多年先去 告發佢既非禮行為
因為刑事罪行 係無提出訴訟 既限期的

4.猥褻侵犯 (非禮)罪既元素
佢對你 摸手摸腳, 有身體接觸. 唔代表佢就有 犯罪成份
要有兩點 A 你係唔自願的
B 佢摸既時候要 令你覺得佢色情同猥褻

5.證據及可信性
法官 係一個 第三者, 佢唔係見場
你話 有非禮,上司話無 其實各自 說一套
就要睇 客觀既證據 同埋 法官 信邊個多D
好坦白講,如果無其他證人 證明佢有非禮
佢即都唔係 當場被捕的話
告得入既機會 就會減少

6.病歷
你話 手總會在震，個心跳得好快,其實你可以就住依D情況去睇醫生
萬一 ,我只是說萬一, 醫生,精神科醫生 可以證明得到,
你因為依件事 而令你精理受損,例如有短暫既 抑鬱症
依一個事實.將會對 上司 好不利

7.非禮是刑事罪行
刑事罪行,你應該報警,之後由警方交由律政司起訴
一切費用係由 律政司 支付,贏輸你都係唔洗俾錢的
A 除非 你打算向上司作出 民事訴訟,私下請律師告佢
要佢賠償你既損失,你先要承擔 費用

8.辯方律師的盤問
上司一方的辯方律師,一定係會 千方百計 涼薄下賤 去到盤問你
務求你答既時候 出現 矛盾 同 記錯,講錯,
只要有少少 不合理既地方,都有可能 令到上司脫罪
這方面你係要有心理準備的
例如佢可以問:
其實你係暗戀左你上司,但係示愛被拒絕,
所以報復,係唔係?
你係收左上司錢,俾佢摸,但係你之後想要多D錢
佢唔俾,所以你懷恨在心

9.議員
我都建議你找議員,因為
A 有唔少議員都係 律師,或者 設有 免費律師咨詢服務
B 有議員知道,幾乎 等於 社會關注 依件事,
咁依件案相關既人(例如警方) 都會落力D

10.辭職
辭職 對於 告佢 有無幫助 我唔敢答你
但係 對於你個人安全同健康
不再需要面對上司,同壓力.我就建議你辭職
至於 辭職 就要跟返你當初簽既 僱傭合約 講明既 離職通知期
無講明 就要一個月,如果你唔想等一個月,係可以用 等同一個月人工
既代通知金 換取即時離職

11.報警
不論你係邊一區報警, 案件發生係邊區,就會去返邊區
假設案發地點係 青衣, 但係你去左 上環報警
上環,頂多會同你落第一次初步既口供
最後都係返 返去青衣

傻瓜, 你當初就唔應該再返去果間公司啦, 明知佢係衰人, 你仲信佢講的野?

不過, 唔發生都發生左, 不如你打電話和社工傾傾先啦, 找個專業人士問好過在這裡問, 對嗎?

另外呢, 非禮係刑事, 如果警方決定要「開FILE做野」的話, 是由律政處那邊負責派律師的, 不用你去找.

還有, 有沒有考慮過去平機會投訴那個衰人「性騷擾」?

OH, 你不如買隻錄音筆放在身邊, 有事的話至少都可以錄下他的說話嘛.