Canon ixus 210 - 跳躍相

影跳躍相其實唔係咁難,只要影既地方夠光就得喇.
跟據我經驗,大約1/500秒已經十拿九穏.如果你掌握得好,可以啱啱在個人跳到接近最高嗰下影,1/100秒都得.稍為差小小就1/300秒都夠.
Ixus 210就算zoom盡光圈都有f5.9,在大太陽下就算iso 100都分分鐘夠快.否則iso 200都應該夠.你可以用光圈先決全開光圈睇下相機俾甚麼快門你,夠快就唔駛用咁高iso.但如果天陰的話就冇辦法要用高小小iso,仲有唔好zoom咁遠,寧願行埋啲等相機可以用翻較大光圈.
光線再差的話就要靠閃光燈,最好喺啲黑啲既地方影,否則現場光會令相片有鬼影.
對焦方面可以對定焦先,然後先叫啲人跳.因為跳起都係垂直動作,對焦距離係唔會改變的,否則用追焦等反而有機會對唔切焦影唔到.
最難既部份其實係快門時滯.DC仔呢方面會比較差,好難一按就影到.見到跳到最高先按快門通常會影到到咗地既相.你要自己就,早小小按快門.可以試下一叫跳就即影,唔中既話再自行早小小或者遲小小按.