誠心請教各位師兄..唔該幫幫忙,,,謝謝!

唔理窮唔窮,就正如政府廣告,養之前,停一停,諗一諗,
養魚必須有最基本既器材-正式魚缸、濾水器兩樣,
魚缸燈屬次要~

魚街好似有不良店鋪,其實唔係,
不良既通常係講緊沈木、水草多,魚好少有假或有問題,
呢d唔係不良,而係佢地非為興趣開店,而只想賺錢,
所以一入貨就入袋賣,無養過,好多時都會帶病~

買時可以郁郁魚袋,睇下條魚識唔識彈開,
睇睇魚身有冇問題,睇睇魚袋既水清唔清潔,不過少少唔清潔都無問題~

第一次養魚最好養最廉價既魚,
如米奇 $20有十幾條,
金斑馬魚 $20有十六條,
細金魚 $20有約八至十二條~
咩魚無咁易死就唔講了,死唔死魚唔關魚自身問題,
而係養果位既耐心、愛心同付出時間、金錢,
所以講唔到你知,自己發掘吧~

第一次養魚就真係好難講注意d咩,
因為養魚來來去去都係果幾樣,
水溫 : 18-28度 佳
ph值 : 視魚種而定,弱酸性合米奇、紅蓮燈、斑馬魚,
弱鹼性合慈鯛如非洲皇子、藍斑馬~
濾水器濾材 : 最重要生物環,活性碳選擇用唔用(一個月換一次)
底材 : 泥底-弱酸性,珊瑚骨、珊瑚砂-弱鹼性、黑鋼沙-中性偏鹼

另外要提提好多新手嚴重誤會既野,
1)水草唔係神,唔係落左就養到好多魚,水草係植物,要光合作用先有氧氣!!
2)氣泵只係供應氧氣,而濾水器就可以做到過濾同提氧
3)氧氣珠只係呃人商品,用途只係裝飾,絕對無氧氣
4)唔好亂養,如慈鯛、鬥魚之類既魚,極具攻擊性
5)泥底唔一定岩所有魚,底材亦唔一定要落
6)金魚等大型魚類就唔好落底材,以免沙粒飛起晒

再有問題,歡迎到小弟既blog查問=]

如果你沒有養魚的經驗,你可以先買一個約12"的魚缸,
再配掛濾,氣泵,及照明燈.
放水運行一天,將水倒掉,在放水運行日天就可買魚落缸.

你可以買平價的金魚試養,或豬仔魚也可,但不要混養.只能二選其一.
無須放水草及氧氣珠(係無用的),
如養金魚須每星期換水一次,每次1/2-1/3,換水後最好加點粗鹽.

理想溫度應是24-28度,絕非5-20度!!!
金魚雖然不太怕凍,但在冬天沒暖管的情況也表現得不想動及不自在.
所以在冬天最好落暖管.

2010-04-18 23:12:49 補充：
我提供的豬仔魚絕對是粗生易養,那些細魚種生命能較大魚弱,
如水質維持得不理想,或溫度差距大,細魚容易受不了!

誰說魚缸燈不重要,就算要慳皮也不要吝惜照明燈,
可以清楚看見自己心愛的魚兒在缸中游來游去,係賞心樂事,

濾水器只是純過濾功能,雖然有些套裝缸的過濾也有打氣的功能,
但效果並不理想,或打出來的氣過強,始終用純氣泵較好,也不貴,約30元左右.

熱帶魚---
養金魚較好,因為金魚的適應力較好
魚缸---
建議買大,因為好多條金魚逼在一起會咬其他金魚
溫度---
約5-20℃
水質---
清潔,有氧氣朱,有水草...
網頁參考:
http://www.hkgoldfish.com/index.php?gid=3