第二次世界大戰後/日佔時期香港人所居住的樓宇和生活情況

http://www.legco.gov.hk/yr02-03/chinese/hc/papers/hc0411cb1-1402c.pdf

香港日治時期係指第二次世界大戰嗰時日軍管香港嘅時期，經過香港攻防戰，由1941年12月25號港督楊慕琦投降起，到1945年8月15號日本投降為止。香港人俗稱呢段時期「三年零八個月」。

香港響英國殖民地統治下嘅發展因為日軍佔領而斷咗。日軍響偷襲珍珠港嗰日，由酒井隆指揮由深圳打落嚟香港。負責守住香港嘅包括英國、加拿大、印度士兵同埋香港義勇軍。雖然港府多番宣傳英軍作戰能力，但係英國響歐洲戰場都自己顧唔掂自己，駐港軍隊始終響好不利嘅防守位置。經過多番激戰，英軍最後冇埋最後一個水塘，唯有投降。1941年12月25號，港督楊慕琦代表英國殖民地官員，向當時總部響九龍半島酒店3樓嘅日軍投降。

日軍響佔領香港後即刻成立軍政廳，由酒井隆做最高長官，直到磯谷廉介嚟到做頭一位管香港嘅日本籍總督。酒井隆管香港嗰陣，日軍響香港殺人唔眨眼；又響香港搞皇民教育，除咗唔畀用英文同埋迫人用日文外，香港嘅街道地區名稱亦都畀佢哋改做日文。香港市民響經濟、民生等方面都受到摧殘。因為香港畀日軍佔領後唔夠食，日軍迫人返鄉下。唔少人行路時餓死病死。就算留響度嘅市民，普遍都對日軍反感，更加不時有平民響香港島山頭偷襲日軍將領。到咗日軍佔領嘅中期，有香港居民參與東江縱隊抗日武裝組織，響新界等地方對抗日軍。

最後響1945年8月15號，昭和天皇宣佈日本投降，第二次世界大戰完咗，英國就攞番香港嘅主權。

http://www.legco.gov.hk/yr02-03/chinese/hc/papers/hc0411cb1-1402c.pdf