dr.kong鞋墊問題

我最近都買咗一對dr.kong，但係真係冇乜特別，我物理治療師話係醫院訂做果d會比較好，不過好似要醫院轉介。

首先，你係咪睇過醫生，由專業醫生診斷係扁平足先？
假設你真係扁平足，去Dr.Kong或者其他牌子／地方買適合您既鞋墊，一般黎講都會有幫助，可以舒緩痛楚．

至於外觀問題，咁就要視乎你個人情況，未必可以單憑一個鞋墊就將問題完全解決．你話鞋既內側會有舊肉凸出黎，你意思係咪隻腳無左個拱橋位，引致成隻腳直接踩落地下？定係其他意思？因為唔係好明白你話［有舊肉凸出黎］即係點．其中有d例子係因為成對腳唔直，由大腿骨到膝頭到小腿骨，引致到扁平足既現象．如果係呢個情況，恐怕一對鞋墊唔能夠完全令到外觀改善，因為畢竟係雙腳腿骨既問題，唔能夠單靠一對墊就可以承托返成對腳．

但如果你去買Dr.Kong或者其他地方買現成既鞋墊，有機會未必一定適合你個人既腳型．另外，如果人身負荷重，亦都有聽過話好快就將個鞋墊踩扁．

至於如果去公立醫院跟進，矯型科屬於專科門診，所以診症收費係六十幾蚊～另外，做個鞋墊要幾十蚊。不過，始終政府醫生／公立醫院，輪候時間比較長，請耐心等候～

一般係由街症門診轉介去骨科，骨科醫生視乎情況會轉介患者去矯形及創傷科跟進，然後按照患者情況訂造所需既用品．首先會判斷扁平足既成因／程度．如果揾到真正原因，醫生會視乎個別情況建議患者做物理治療，或者為患者度身訂造適合的矯形鞋墊．即係話，對鞋墊會按照患者既腳形，扁平足程度去造．

但係，你要留意，雙腳既發育到十歲八歲已經停止，如果係成年人，對腳一早已經完成發育，就算著矯型都改變唔到扁平足既程度。但如果著有墊既鞋，有左承拓，行路會無咁易累；如果你本身有腳痛既情況，都可以舒緩一下。




希望幫到你

要因應番你隻腳係屬於邊隻扁平足..唔係每一隻鞋墊對每一隻腳都有效... 有需要可以add我msn [email protected]