急-搶劫罪問題 (20 POINT)

a.直d講句, 個心理報告一d用都無. 反而會俾個官一個印象係阿C重砌詞狡辯. 法官會話現令社會父母離婚好普通, 離咗婚唔代表無咗父母, 點會令阿C有情緒同心理問題? 而且情緒有問題唔代表佢可以犯法. 香港大把人有壓力, 大把人父母離婚, 人人去打劫, 世界大亂啦… 我見唔到個官都諗到個官會點反應啦.

b. 上訴庭在R v Mo Kwong-sang [1981 HKLR 610]一案中對搶劫罪定下的判刑指引係:
i.一般持械行劫案, 量刑起點應為5年.
ii.如果犯案時有入侵私人地方, 包括大厦後樓梯或電梯, 量刑起點應為6年.
iii.如果犯案時有對受害人使用暴力, 包括縛起受害人, 量刑起點應為7年.
iv.如果犯案時有以下加刑因素, 量刑應向上調:
夜間犯案、多過一人同時犯案、威嚇受害人、受害人為老人 / 小孩 / 傷殘人仕 / 孕婦、有多次案底等.
阿W有用牛皮膠紙及刀片, 亦有叫阿C睇水, 即係中咗 (iii) - 犯案時有入侵私人地方及有縛起受害人 - 同埋 (iv) - 多過一人同時犯案. 所以判刑起點大約係8年.
阿C同佢一齊犯案, 雖然只係睇水, 但係屬法律中所為 “joint enterprise”, 所以亦會以8年判刑起點. 但佢無直接掠劫個一樓一, 我假設佢無案底, 而且得17歲, 法官會俾佢大約1年減刑. 即係量刑起點為7年. 認罪可減1/3, 即係判監大約56個月. 在獄中行為良好可再得1/3行為良好減刑, 即係實坐大約37個月多d.