關於比MISS寫紀念冊

你好!

你問題令我呢個畢左業n年嘅auntie諗返起細個嗰陣,都有發生過此問題,完全一樣!所以想同你分享下我嘅感受!
人大左就明白好多嘢,所以好想試下解釋你知,你miss點解會咁樣,當然,我知你明白咩原因,例如老師同學生要保持距離之類,表面上你被迫妥協,但實際上可能你會諗,車!有咩問題喎!點解要保持距離等!

小六畢業嗰年,佢係我6年小學生涯中最尊敬嘅miss,佢亦都好錫我!我唔止知佢住邊區,什至住邊楝都知添(因住我附近)!
我亦預左佢唔會填,所以冇去問或要求佢填返!只係心諗,”點解啲大人係唔相信我地,係咪怕我地會搔擾佢又或玩電話之類呢!我咁執著個地址,只係想話日後中學生活唔開心,可寫信比佢同佢傾計,並冇惡意架!都教左我咁多年,應知我為人啦!點解唔比呢”!嗰陣90年代頭,電腦電郵手提電話都仲未普及化,多數靠住宅電話或call機聯絡,最慘佢電話又唔比,根本冇可能會搵到佢,除非返母校啦!之後,我為此而有點唔開心,嗰陣,只得一個主任肯寫地址比我地咋!
如果照直同佢講,佢實答我:”我有填其他資料架,咪有我筆跡囉!”
我唔知你依家係咪小學畢業啦!但我估應該係,因中學的話,係唔會咁在乎老師地址,什至根本唔會比紀念冊老師寫,哈哈,你到時就明架喇!

1) 首先,想知你有冇問過佢點解唔寫?問過幾多次?你識睇眉頭眼額嗎?佢有冇表現到好忟憎咁話:”唔填喇!”同埋佢嘅理由係咩呢?
2) 其實,我覺得你可試下同老師坦白講出你諗法!尤其如果你從未開聲要求佢填的話,我相信老師唔會發你地脾氣,擺出一副:”唔比就唔比啦!”咁態度!
3) 至於你話唔想因為一個地址而破壞你地依家良好嘅關係!傻啦!更加冇可能!講真,依家d學生邊識尊師重道吖,你老師只會諗:”哈!都係班學生喜歡同在乎自己,先比紀念冊我寫姐,並且咁渴望得到自己筆跡同個人資料”我肯定佢唔單止唔會討厭你,什至個心肯定甜到爆,絕對唔會反感或發脾氣,所以你唔駛担心!
4) 所以坦白咁講佢知你點諗啦,到時佢都係唔想比嘅,咪算囉,唔緊要架!你可以問得有技巧啲!態度要誠懇!何謂誠懇呢,即係唔可以用你平時同佢講嘢嘅態度(你話大家關係良好,諗你應該係有點冇大冇細或嬉皮笑臉嗰種吧)!要比到種感覺佢:”咦?點解你今日咁正經嘅?有咩事咁嚴重呀?”令佢意識到你係好認真嘅,之後你就話:”我諗左好耐,唔知點同你講,怕會影響我地關係,怕你會討厭我,其實比紀念冊你,係因為我好尊重你,好想你會填晒所有項目,但唔知咩原因而令你留空左地址一欄!畢業後,我就會離開呢間學校,再唔係你學生,實在好唔捨得!而我亦開始大個,日後可能會越來越多煩惱,唔知日後遇上問題時,可以當朋友咁搵你傾計嗎?以亦師亦友嘅關係保持聯絡,可以嗎?雖則家陣通訊發達!但電郵好似好冷冰冰咁,始終冇寫信咁好,所以好想你可給我地址!當然,我亦明白到可能你會覺得唔方便或認為老師同學生唔應該玩得太close,怕忘記左你係老師而冇晒分吋,唔識避忌!所以唔想我地知你太多個人資料!姑勿論你會否比我,我總算表達左我想法,希望你會明白!”
5) 可能你認為好誇張或唔駛咁長篇,但我相信老師聽到你咁講,唔知得唔得,但最起碼一定會順耳同先!若齋問:”喂!miss點解唔填地址嘅!”講真,係人都唔比啦,都唔知要嚟做乜,萬一唱到全校都知咁就麻煩啦!依家講清楚個目的,加上態度誠懇,博佢答你:”啊!咁少事咋,我填比你啦!”
6) 啱啱兩個月前執屋搵返晒所有紀念冊,我呢刻睇返,當初自己咁在意,有幾無謂呢,唔好話冇同老師保持聯絡,就連母校都只係返過一次咁大把!
因此想同你講,就算miss真係唔比,都唔駛太唔開心!其實當你真係畢業轉換左新環境,慢慢適應投入之後,對母校之一切就會慢慢減退!呢點一定要經歷過先會明白

anyways,唔知幫唔幫到你,若有問題或唔明白,就電郵比我啦!以上有咩講錯或得罪,請多多包涵啊!

[email protected]

Winnie

咁老師又唔會同同學咁親密既，
就算佢唔同你講佢既個人資料都冇問題既。
而且你想佢手寫的文字作為留念嘛，
咁佢有一部分資料唔填有咩所謂？
你可以唔同佢講話你知道個地址既，
如果你知道左，咁都冇咩問題既~~
不過我覺得你最好唔好同佢講啦,,
你唔通想寫信俾佢？我諗佢都可以既^^
你都可以問下佢可唔可以寫信or mail俾佢吖


應該對你有幫助~~

你等miss 順其自然,她填就填,唔填就算。而你知道他大約的地址,如果你覺得你和他好 friend,就同他說也不緊要。在乎你覺得你同佢 friend 唔 friend。令外如果你想要她手寫的文字作為留念,你可以叫佢寫下對你的評語(叫佢以朋友的角度出發。