用 InPrivate 上網有幾安全？

InPrivate只係喺IE層面上唔留記錄，即係Cookies、瀏覽記錄等唔會留喺你部機。用喺公用電腦就好穩陣，因為下手唔會見到上手做過嘅事；不過唔等於公司監視唔到你上過咩地方。

正如網友所言，如果公司喺你嘅電腦有裝監視軟件，你用電腦嘅情況就可以畀公司監視，當中可能包括但不限於：屏幕畫面、鍵盤輸入、連線記錄等。


另外一種監視方式就可以係喺路由器上監視，喺你Connect緊網站嘅嗰刻，你已有向嗰個網站嘅Outbound traffic，公司嘅路由器就可以記錄到你部電腦喺嗰陣Connect咗嗰個網站嘅Web server。用咁嘅方式監視唔止網站，其他網絡活動都可以Track到。如果公司有心想Check你去過邊，又有耐心去咁做，你係走唔甩架，就算個網站未Load好就閂咗佢。


如果真係唔想公司知，又想喺公司上第度，又咁好彩有街外Wi-Fi signal，咪用Wi-Fi出街，將公司條LAN線掹甩。咁喺網絡層面公司再無你乎啦

　　如果你公司電腦沒有安裝其他的監視軟件，這算是很安全。如果用其他的則不可能安全，因為這一類軟件會不時 Capture 使用中的圖片。看到 Yahoo 的網頁，怎樣逃都逃不了。