兩個女仔去宿霧自由行定join團

Hi, 小女子今年農曆年同阿爸阿媽3個人自由行去咗Cebu, 阿爸阿媽唔識英文, 但係菲律賓人一般英文都ok, 酒店啲人一定冇問題, 其他都係主要同的士司機溝通(講價), 我覺得一般簡單英文都足夠應付!
1. 去Cebu之前都有啲擔心當地治安唔好, 但係上網問過其他人, 而自己去完都覺得ok, 出入主要以的士代步, 唔會覺得好危險, 大嘅Mall同酒店啲人都好nice, 好helpful, 係差在啲的士司機, 好多都唔用咪錶, 要講價.... 但因為當地啲駛費都算平, 比多少少我覺得都可以接受!
2. Package好depends你坐乜嘢airline嘅機同埋住邊間酒店, 例如住4/5星級嘅resort同住Cebu city嘅hotel個價錢可以差好遠! 要check清楚! 响當地join tour - 我估你係講出海去島玩, 其實呢啲tour响好多酒店附近嘅沙灘都一定有人"褸", 如果响酒店join到其他人一齊share當然會平啲啦, 但係就冇咁flexible(因為要就埋其他人), 一般開價2000-3000peso一日, 早上9:00玩到下午3:00左右(約6個鐘), 會去一至兩個島, 但係只係包船, lunch同埋其他潛水/浮潛用具都唔包, 要另外計錢, 所以一定要問清楚! 我因為peak season去, 又帶埋阿爸阿媽, 穩陣起見出發前上網book咗個tour, service都唔錯, 又冇extra cost, 係就係貴咗少少(8500 peso), 不過所有駛費包晒, 點都好過到時樣樣嘢都話要加錢, 失晒預算!
Cebu city唔駛join tour, 得幾個景點, 有幾個响附近嘅可以自己行, 遠少少嘅搭的士就可以!(响Cebu city裏面搭的士一定要佢用咪錶!)
至於Bohol, 去到Tagbilaran碼頭會有人"褸", 一般開價1800-2500peso, 會去晒Bohol大部份嘅景點, 如果你有啲景點一定要去/唔去, 就一定要上車前問清楚!
3. 車船安排都唔太困難, 出入大多數都係的士, 可以叫酒店幫你call車, 但如果你stay响 Mactan Island嘅resort, 啲的士多數都唔會用咪錶, 咁就要睇吓你講價嘅能力, 一般開價會比用咪錶多50-100peso(除開只係10-20港幣!), 有時去玩完太攰都費事同佢哋周旋, 比多少少算數!
如果你要去Bohol, 最好避開星期五, 同埋一定要預早買定來回船飛, 我哋啱啱呢次就太過搏, 差啲冇船返去Cebu city, 好彩有驚冇險, 但係冇來回船飛都係搏唔過, 留番下次再去喇!

其實去旅行一定係自由行會free啲, 只要預先plan定, 做吓資料搜集, 問題應該不大! 如果唔好彩, 就點plan都冇用 - 好似我呢次去, 預早搵咗個司機响機場pickup(到達), Danny Noy - [email protected] +63 9193753071, 响好多網站都有人recommend佢, 一早同佢用email聯絡好晒, confirm晒價錢, 响香港出發前大家再用email confirm, 咁樣我都可以比佢放飛機, no show, 响機場打電話比佢仲要cut我線! 所以任何事都最好有兩手準備, 有咩突發事件都唔會"拿手唔成勢"!

如果你需要多啲Cebu嘅資料, 可以send email比我!

首先, 你唔好比登出黎既廣告呃到. 你應該用機票和酒店去比較.
例如, 跟團. 人地會比咩酒店你住先. 你仲要望下個行程, 會帶你去邊度. 包你幾多餐, 食d咩.

如果自由行, 你去既時間係唔係旺季, 17xx 比咩機你坐, 比咩酒店你住呀.

如果你英文麻麻, 又人生路不熟, 去到會報團, 咁.. 我就建議你去搵香港既出名旅行社跟團啦. 你要比較下佢地既行程同酒店. 當然啦, 如果人地比香格里拉酒店你住. 當然好貴啦.

你跟團, 可考慮去永安, 星晨, 美麗華.就算係自由行, 佢地都有.記住 一樣, 自由行只係機票+酒店. 你要知道坐咩飛機, 住咩酒店.