中三升中四選科…

其實易唔易搵工根本同你讀乜科無乜大關係, 最重要你個人係唔係醒, 語文係唔係好, 大公司揀人係起碼要做幾次測驗及面試先確定請邊個, 你唔夠醒語文差好難同人爭. 語文好已經係成功的一半. 有D收生成績好勁科目, 出去人工可以好極端. 有D人讀金融可以搵幾萬, 有D只係搵到六七千. 你真係勁既, 好多公司都會爭住請你, 你係唔掂讀乜科都無用. 除非一些好專業的工作(例如醫生、藥劑及護士), 你畢業未必真係做自己讀番個行.
仲有, 你話你對三科有興趣, 你對三科有乜了解? 唔好因為某些誤會而對某科有興趣, 到時你讀讀下先覺得同理想差好遠就大件事. 選科要根據自己興趣、能力及大學可選科目因素去決定, 唔好單憑所謂邊科容易搵工. 你可以問老師或師兄師姐借以上三科的書, 自己睇1-2課, 或者問佢地讀呢幾科要有乜能力先讀得好, 再諗下自己係唔係有能力及喜歡讀.

我個人意見 可能會錯 不過聽下無妨
經濟個個人都會好似你咁諗
所以1定會好多人選
你有冇機會可以係咁多人之中 成為比人睇得上果個
的確要考慮
經濟呢1科我係自修..
我朋友讀大學 佢雖然都係讀經濟
但係佢話 學經濟係學理財 (咀知岩吾岩)

中學讀咩科 通常出到去都吾會認用得到
最多比你用到盡 都得30%左右~
所以 選你鐘意既科先係最重要~

上面兩位講得都啱，我認為要揀自己真的有興趣的科目，否則以後三年你會好難捱。

重有，你的英文麻麻，就一定要加油學好 D，因為三三四好注重語文能力。同埋我認為最好唔好揀經濟，因為你的英文麻麻！

唔好想邊科將來易搵工....
你應該選你仲意個科因為如果你選咗你唔仲意個科這樣你會上堂發白日夢同拿不到好成積.......
同埋我地到唔知將來會發生D咩時~
好好想想吧~