有什麽方法知道自己有沒有案底？

好多人以為查詢有無案底, 係要攞 "無犯罪紀錄証明書" (俗稱 "良民証"). 其實良民証只係在申請外國入境簽証時先會發出, 而且係直接由警方交俾外國簽証機關, 並唔會交俾申請人, 更加唔會在非與簽証有關的情況下 (例如僱員入職)發出.
要查有無犯罪紀錄, 你可根據<個人資料(私隱)條例>第18(1)(a)及(b)條, 向警方要求查閱警方手上有關你犯罪紀錄嘅個人資料.
你必須親身前往位於香港灣仔軍器廠街 1 號警察總部警政大樓 14 樓嘅 "刑事定罪紀錄資料辦事處" 填寫及遞交一份 "查閱刑事定罪紀錄資料要求表格", 同埋俾 $50 費用. 如果你無刑事定罪紀錄, 咁職員只會口頭話你知你無刑事紀錄. 如果你有刑事紀錄, 咁職員會發一份該刑事紀錄嘅副本俾你.