請高大長腿的人分享經驗

✔ 最佳答案

HELLO!

其實,我真係好憎呢個問題!因為自己腳短,而前男友又成日都話佢點樣中意長腿,又話有品味嘅男人睇身材應該睇腳先…etc!所以,我就成日開始研究此問題!

記得好細個嗰陣,我嘅年代,係興葉子楣或朱茵嗰類,所以一直以為女人胸大就等於好身材,依家先知原來唔係架!唔怪得細個時,每當親戚吹水咁講埋d客氣說話,話我咩大個女選港姐等,我老豆都會答”冇用啦!對腳咁短”!當時我仲覺得,要咁長做乜,女仔生得高,會好難搵男友,我真唔稀罕!再者,讀書時,若你係高妹,實比人岐視,如排隊排最後,座位又同黑板離好遠,或比人稱做高瘦平之類!總之冇樣好!
之後,社會曾經亦好興小蠻腰!唔知點解,係近十年先開始興長腿!
Anyways,總之要睇女人身材,主要係胸,腰,腿!同埋胸唔駛咁大,最緊要均暈!
我討厭係,要22吋腰,可減肥姐,要胸大,就可隆胸!但腿長就係天生,冇得攪!雖則外國有駁骨手術,但醫生只會幫啲類似硃儒人士去做,同埋最多只可駁長多兩三吋而已,因怕假骨支撐唔到重量而骨折!

所以,我開始成日研究高度問題!我前男友都頗高,有180cm!但唔知點解,我覺得佢根本唔算高!我成日睇tv,都以為明星好高,但原來仲矮過我男友,咁我就諗,其實啲明星都唔係好高姐!又或者覺得,我都唔係好矮姐!

作個假設,於tv上,我見黎明好高,我以為如果我拍埋去,應該只到腋下!但原來佢同我男友一樣高!我拍埋男友到,差唔多到佢條頸!即係話我若企黎明隔離亦一樣啦!然而我見朱茵拍埋黎明隔離,但膊頭都唔到,即係話我高過朱茵啦!但點解佢對腳仲長過我?基本上,我每次都會留意女星有冇著高跟鞋,有幾高呢?我有扣回的!
然而,前男友話我知,原來 :
a) 腳長唔一定生得高
b) 高人對腳未必一定長
之後,我發覺周潤發對腳好長,以為好高,原來又係180!因此,我先知原來腳長會好影響一個人嘅觀感,嗰刻我先信,原來我男友真係言,但因腳短,所以睇起上嚟咪好似好矮咁囉!呢啲就係真真正正嘅所謂身材喇!
所以,更令我討厭,因為知道身材兩個字係天生嘅!什至冇容整!就更憎!

至於你問點解人地對腳會咁長,最主要都係遺傳!
有日我老表結婚,我咪拉埋我前男友去飲!佢一去到,周圍望望,我抬頭睇佢望乜,之後佢問:”下?乜你啲親戚全部都係咁高咋?嘩,我發覺自己係全場最高嘅一個!”抵得佢吖!我話,若係去我媽媽外家嗰邊,我諗佢就會變最矮嗰個,因我外公and舅父,全部都180以上!個個都似model咁!可惜我只遺傳到我爸爸嗰邊!唉!

而我細個嗰陣,我父母想我生高啲,於是比我學溜冰,睇過花式溜冰都知啦,兜圈時,對腳會好大力咁撐,希望藉此再配合發育時期,希望會拉長小腿骨!但完全冇幫助,始終種士問題,但都有意外收獲,就係腳會變幼,兼小腿線條會好靚!

但聽得最多,如何增高,通常都會話打籃球,但老實講,最主要都關家族遺傳事!你睇下啲混血兒,多數都生得高就知啦!唔係點解有啲人一定揀嫁鬼佬或娶鬼婆,因機會率大好多!你睇黃敏德夫婦,佢地個女13歲已5呎9了!

我前男友解釋我知!唔一定要高先叫好身材,應該要比例平均,好似咁朱茵,就算矮,但身型平均,所以都叫好身材!
比例即上身與腳長比較,一般亞洲人,多數五五波,同六四波,即上身佔六乘,下身四! 若再加埋生得矮!你諗下都知肉酸啦!而鬼佬就唔同,多數三七比!就算五五比,都因生得高所以唔會太難睇!

講真,唔駛羨慕人,亦唔須要自卑,手腳長亦有唔好處,跳起舞會好核突,又唔夠靈活,坐飛機又辛苦,屈埋隻腳等等!最多咪好睇啲囉!阿媽生出係咁就咁!即有啲人天生好靚仔靚女,咁又點吖!
不過,我覺得呢個世界係公平,留意下,通常好身材嘅人,個樣都麻麻,樣靚,身材多數會唔好,又冇身材又冇樣嘅,通常都會有腦或好有錢!當然,有腦有錢有身材有樣嘅人都有,但好少囉!或者前世做左好多善事,所以咁掛?

唔知你認同嗎?

Winnie

回答 (2)