佢4歲幾...差唔多5歲....由細到大 d 皮膚都麻麻....
我已經一路都比天然糧佢食...但唔知點解都冇咩點好到...
最初個陣係食CANIDAE...本來都食得都OK...皮膚冇咩特別改善...但冇惡化...同埋便便唔會有惡臭.....
跟住途中因為CANIDAE 加價....我媽咪同佢轉過一隻係吉之島裡面個間寵物店賣既美國天然狗糧.個陣佢話係新牌子冇咩人識....但我唔記得叫咩名啦....同埋個次食完想去再買...佢竟然話冇再賣=__="
跟住之後比返CANIDAE佢食....佢食完竟然皮膚差左....
問過朋友...佢話可能因為佢轉左新配方問題...
咁我又同佢轉左PRO PAC...呢次仲衰....皮膚唔好都不得止....便便仲有惡臭....跟住明顯胃口差左...
其間幾次都想買素力高比佢試....不過幾次 D 鋪都話冇貨...
跟住又比返CANIDAE 佢食....又出奇地皮膚好返少少....便便冇咁臭..但都係比起最初食呢隻個陣臭....
佢而家又就黎食哂啦.....我想同佢轉....因為佢食左CANIDAE 幾次....都好似唔係咁好....
我想搵同CANIDAE 差唔多價錢既天然糧...但唔好太多調味....
希望大家幫幫我啦...MANY THANKS...
更新1:
你講個兩隻我都見過人話OK... 但係都有少少貴....仲有冇多D 選擇丫?? 真係好急架...小朋友成日發臭...媽咪話要掉左佢丫>___<"
更新2:
Michelle : 多謝你先... 但係其實小朋友最大問題係便便臭....身體就有小小...但冇佢便便個隻臭咁... 真係臭到會刺鼻架.... 同埋皮膚問題唔係真係好大....因為只係間中天氣唔好個陣先有小小紅點.... 我最想係解決佢便便臭個問題....同埋佢如果食左D 調味重既..佢真係會唔食飯... 所以我一定要揀一隻調味少既比佢..... 同埋...想問下知唔知魚肉係咪好過羊肉呢?? THANK U VERY MUCH...
更新3:
sdu333 : 你話比食剩既野佢食...咁咪即係害佢快d 死... 骨就係人都知唔比得狗食...因為會刺穿食道.... 你話人類對佢好d 就係折福.... 咁你諗下....你而家仲生活係古代嗎???你仲做緊古人嗎??? 如果係咁....請你唔好上網...因為古代人係唔會上網...唔識打字.... 人都進步左咁多....狗都需要.... 請你答問題前思考一下....深思熟慮先好答....
