做實習老師… 同學講黃色嘢真係唔識管… 請幫吓我……T__T

我係做初二嘅美術實習老師… 今堂教色彩
上堂上到一半嗰時…
我問其中一幅作品嘅剪影似兩個人做啲咩﹐
有兩個同學話佢哋喺度"突Jer！"(恕直述講得核突)﹐又有同學話"佢哋喺度搞緊野!"
其實佢哋喺度演奏緊樂曲﹐我真係唔知點應對好﹐唯有忽略佢哋！

另外當派黃色紙嗰時﹐有個同學話要多啲黃色﹐黃色夠淫喎﹐交疊紙俾佢嗰時仲hi到掂一掂我隻手指位！我對無端嘅身體接觸好反感﹐真係好無奈﹐好想當然突佢一句﹐你咩意思呀﹐諗埋啲咁嘅嘢﹐黃色都有好光明﹐明亮嘅意思


跟住當喺個電腦前面羅返啲嘢臨走時﹐有個男同學行經我後面個屁股輕輕撞咗我個屁股一下﹐唔知有心定無意…

以上全部…我都冇講出聲﹐因為我唔知點應對﹐更判斷唔到佢哋背後嘅意思


至於佢哋咁樣﹐可能我都有責任﹐講返尋日發生咩事先﹐以下係尋日發生嘅事
－－－－－－－－－－－－
平時著得好密實全黑西裝＋裙嘅我﹐尋日見熱著咗一件格子長T-shirt返黎﹐後面有條帶綁住條腰﹐綁完蝴蝶結後個會放喺Pat Pat度﹐個設計係咁…

本人十分在意自己個pat pat﹐因為自己係好肥嘅﹐尤其係有個巨Dun喺度…
尋日返學嗰時已覺唔妥﹐啲男同學成日都喺度笑﹐又望住我個pat pat﹐我覺得好難受﹐但都將課堂完成﹐但係完成得唔理想﹐備課不足啦啦卡卡…

最大獲係手機冇較震機﹐而上堂又冇按取消個響鬧（平時唔駛上堂我會８點１５分起身）﹐跟住個鬧鐘係返學嗰時突然響咗…全班都喺度大笑…我唯有喺個咪度諷刺自己係反面教材…　

－－－－－－－－－－－－－

直到今日﹐呢班係唔同班﹐上上吓堂都有同學會大聲叫”起身啦！起身啦！起呀﹐快啲起呀”我個鈴聲﹐証明大家傳晒出黎…我嗰刻真係超唔開心


大概件事困擾我嘅就係咁﹐可能大家都覺得我太在意自己個身材啦﹐其實佢哋笑我肥唔緊要﹐但係笑我啲黃色嘢意淫嘢我就一啲都接受唔到﹐我之所以會著條有綁帶喺個ＰＡＴ位度嘅長中恤衫只係因為我肥咗好多呢件真係唯一一件熱又岩著嘅斯文衫!但係佢哋唔尊重我不單止﹐仲笑我﹐唔通大PAT PAT有罪唔係人？


至於個作品﹐我本意係要佢哋欣賞演奏樂曲嘅神態﹐估唔到佢哋有呢啲反應！！

鬧鐘件事都係我衰！自己唔較好﹐呢啲要自己自責﹐而且當佢哋大聲講嘢嘅時候﹐我都唔大聲叫佢哋收聲﹐我真係唔知點做好呀…

我知要做好自己本份﹐備好課………我會努力的

但係可唔可以教吓我點教好啲同學﹐尊重返我同惡啲呀…:(
對我黎講﹐我真係好需要大家嘅幫忙吖:(