兔仔甩毛 點算?

我諗係可能係,皮膚病,細菌感染,有蚤、蟲......

愈甩愈多??仲唔睇獸醫,愈快愈好,您都唔想手尾長咖!

果時我兔兔手板甩左一小 "執" 毛,

跟住我帶佢睇獸醫,我見醫生係佢頸度打左枝針,

同埋 用拔左針o既針筒 從佢個口打d藥俾佢食......

好似都係七百幾蚊(沒記錯的話),包左診金三百蚊度,針同藥另計

果次我仲帶佢覆診(要俾多次診金,其實唔去都得,

不過最係就去啦,橫掂睇左一次,覆診多次求個安心,唔係就手尾長就難搞)

睇獸醫 唔關佢指甲長lo

好可能係有皮膚病,應該係佢覺得好痕,所以成日 R 個度,搞到流血...
你而家唔好亂用藥喇~出左血已經要小心傷口發炎
佢愈甩愈多...仲可能遲D擴散到其他地方!
唔好等唔好諗喇~快D去睇醫生啦!
你預1000蚊內睇皮膚病啦!預多好過預少~
同埋如果你屋企有多於一隻兔仔,立即分開佢地!
你養左佢幾耐?如果係剛剛買番泥可以係外面感染既....
另外可能係兔仔環境唔衛生...你要用消毒清潔劑清潔個籠!!要將所有兔仔掂過去過既地方大清洗~
睇完醫生後再洗多次!!!
睇醫生基本診本290 蚊 藥另計...

大圍珍禽異獸動物醫院 最好睇Dr Tiger

電話 : 2687-1030 急診 : 9339-6842
星期一至五為上午九時至下午七時 , 星期六、星期日及公眾假期則為上午九時至下午六時。

睇獸醫通常四百至五百倒，因為佢皮膚有事呀，可能係受細菌感染，我建議你都係帶佢睇獸醫開葯同比嘢佢搽好啲．
我隻貓試過甩毛，仲成塊毛皮咁甩，我用火酒幫佢洗傷口，然後喺竉物店買咗樽葯水幫佢搽，果隻係專比ANIMAL用嘅，連馬都可以醫嘅，但係都成百蚊啦，因為我隻貓係喺街買嘅，所以特別多病痛，有帶佢去睇醫生，醫完呢樣又果樣，佢都會無端端甩毛嘅，所以先去竉物店問有冇葯醫佢，你可以帶佢去獸醫度又可以試吓買呢隻葯水嘅，不過唔嫌貴又安全嘅緊係獸醫啦．