廣華分娩及產後程序

我自己係qe生，不過而家既政府醫院都係大同小異~
首先你要執走佬袋啦 (4月23日預產期，而家一定要執好架喇！)


準備用品 - 大人﹕

梳洗用品 - 洗面毛巾，刷牙用品，梳
個人用品 - 產婦衛生巾２－３包，紙巾(盒裝比較方便)，乳墊(通常生完三四日先上奶，係醫院又唔會住好耐，要帶既話１０片都夠晒) ，清洗傷口器皿(我用d細個既礦泉水樽，入定d凍滾水，一樽分兩至三次用，去完廁所之後用黎沖洗傷口，分便、簡單又環保，唔使特登買個清洗器皿)
衣物 - 外套，帽(驚個頭入風)，拖鞋，內衣，內褲/網褲２－３件，睡衣/便服 (政府醫院就唔使)，出院衫褲一套
其他 – 相機、電話叉電器，保暖杯、水泡仔(產後坐)

準備用品 - BB﹕
尿片２－３包，濕紙巾１－２包，BB出院衣服(和尚袍/包被)

除左隨身帶住身分證之外，記住放定D錢係銀包/走佬袋，萬一有咩事要入醫院果時，身邊又冇人係到，都可以即刻坐的士去醫院
另外因為好多用品 (尤其係BB出世後先用得著既用品) 係入院時根本用唔著。亦有好多人唔想係入院時咁"論盡"，所以好多人就會分開兩袋一袋就係入院時既用品，例如係日常用品/必需品 。另一袋就係BB出世後既用品，例如係洗傷口既用具、BB既用品等等，呢一袋野，就算BB出世之後叫屋企人拎去醫院都得。就算未到探病時間，姑娘都會幫你拎入病房既。再唔係問姑娘、隔離病床都借得到。至於媽媽同BB既出院衣服，可以係臨出院前叫屋企人幫你拎去醫院都未遲 (嚴格黎講即係分三袋)

分娩程序就要睇你幾時入院、邊種作動入院喇。做完入院手續後，要訓床聽bb胎心機。之後就要睇下你子宮開未喇，若果子宮未開到夠生bb既，就多數會係待產病房，果到會有好多未生既孕婦，有d已經開到差唔多，所以你有機會會見到d好辛苦既表情同聽到d因為忍唔到陣痛既慘叫聲 (有機會要住一兩晚架) 到子宮開到咁上下就會推你入產房 (如果唔係痛得好勁既可能係自己行去) 之後既時間就會係產房等生b。係產房入面都係訓係到等同駁住d儀器係個肚到檢查bb既狀況，我係qe就有得睇電視，間唔中又會有姑娘/助產士入黎check下，同你傾下計。到差唔多生得既話就可以問下姑娘可唔可比老公入去陪產

以上係正常時間入院既正常分娩程序，若果你係半夜入院，有機會等到天光先有醫生黎睇你

另外若果你過左預產期一星期都未有動靜，就要入院催生。咁就可能需要吊針，咁你就記住入院前食飽飯喇，因為吊針後就唔比再食野架喇，萬一你要生十幾個鐘，真係未必夠氣架喇~

bb出世後，清潔乾淨，做完簡單既檢查後就會比你抱一陣，之後就會推去做一大埋檢查，而媽媽冇咩問題既話就會推番病房。遇著探病時間或者送餐時間就可以即刻醫肚或者有人黎睇下bb。若果唔係探病時間，d姑娘都會著情比兩個家人入病房十五分鐘幫你打點一下既

所有政府醫院都係母嬰同房既。當你生完bb之後，你同bb都冇咩特別問題，bb就會放係bb床推番去你床邊由你自己24小時去照顧佢架喇

我要提你既就係記得入院前最好食飽個肚 (最好係飯啦~)，就算係唔係催生都好，因為就算你陣痛等生，都唔知要等幾耐，而且到真係痛果時真係可能飯都食唔到架！

祝你生個肥肥白白既bb~

我未試過呢個經歷~~~不過恭喜晒你地!!!^^

您好，这是一个不错的怀孕育儿网站，希望对你有所帮助：




http://www.baby-product.info/




祝你好运

我兩年前系廣華生第一胎， 下個月就去生第二胎啦。希望 我的信息幫到你。
１）要帶既野：
媽媽：身份證件／散錢／電話／八達通／CHARGE電器／拖鞋／面巾／牙刷／洗面奶／牙膏／口盅／沖涼水同洗頭水（入院前一晚用）／衛生巾2包／網褲5-6條／乳墊5-8對／餐巾紙／外套（醫院真的好凍！）／帽／喂奶用既紗巾同消毒紙巾（大人BB都用得嗰種）／少量乾糧／MP３（娛樂）／相機／鎖頭（呢嗰好重要！平時上廁所去邊度都可以鎖住自己既野，安全D）
BB：尿片（生完就要立刻給姑娘啦）／和尚袍／包被／手套仔（呢D就出院嗰日先需要，可以考慮叫你屋企人到時候再拿）

2),分娩程序：
我系開刀，第一日入去沒咩野做，例行檢查；麻醉師講解；第二日就換衫／打針／準備入產房咯； 跟住就一個鐘頭就出來了。我自己覺得好快好簡單。

3),產後：
開頭開左到嗰幾個鐘頭，姑娘就不會來問你；過了幾個鐘頭就問你想不想喂下BB，如果想就推來給你嘗試喂，之後第二日如果你可以快落床，他們就會推BB給你自己帶了。我因為之前很心急見BB，好快落床跟住就自己照顧BB了。反正才住了４日醫院，時間都過的好快。

如果生完之後媽媽同BB都沒咩問題，就催你出院咯。病床吾夠用嘛。：－）
最後，祝大家都順利平安