二戰中的一個師和軍團分別有幾多人

樓主既問題極為複雜，因為二戰中各國既組織差別好大，甚至連“軍團”既定義係各國既差異都極大。中文既“軍團”一般係台灣對“Army”既翻譯，但大陸全部書都譯做“集團軍”。但台灣譯“Army Group”做“集團軍”，而大陸就譯做“集團軍群”，兩地既翻譯完全不能妥協。所以以下既討論我只會用“Division”(師)及“Army”(軍團)來講下。

Division既種類好多，大致來講Division約莫有主要裝備坦克既裝甲師、基本上係半個裝甲師既機械化步兵師(機步師)。步兵師有靠腳行路既傳統步兵師，亦有步兵主要坐車既摩托化步兵師(摩步師)。舊蘇聯有專門既炮兵師、防空炮師及殲擊機師。多數二戰國家亦有海軍陸戰師及空降師。

各國Division既差異好大，歐美國家，主要係美、德、英、法等國家，步兵師大概有11,000至14,000人、裝甲師約莫12,000人，機步師都係呢個規模。

蘇、中、日三國既Division與歐美國家既同級部隊結構明顯不同。蘇軍師規模好細，通常都不多於11,000人，好多時甚至只有8 - 9千人，國民黨師規模都差不多，共產黨師既規模小弟唔清楚，不過都係細規模。日軍師規模出奇地大，一般都有25,000人，少既都有18,000 - 19,000人。較大規模既日軍師對日軍指揮有一定影響，因為一個日軍師長手下有四個聯隊(大致上係一個加強團既規模)，而唔係多數既三個部隊。一個指揮官指揮四個下級部隊絕對比三個部隊煩，亦難以為鉗形攻勢安排預備隊。各國師級部隊既指揮官反而比較統一，通常都係一位少將或低一級既上校。

各國Army既規模亦好唔同。歐美國家Army通常有三、四個Corp(軍)，而每個軍則有三、四個師。一個軍團通常係100,000 - 150,000人左右。軍團司令最低至少係中將(如韓戰中第八軍團司令華克(Walker)中將)，一般係上將，甚至係元帥(德軍第六軍團既兩任司令，賴赫勞(Reichnau)及保盧斯(Paulus)兩位都係元帥)。