不知是否肺結核的初期?!(急)!!

你講既病徵都似個肺有嘢，但肺結核可以冇咩病徵。有經驗的醫生可根據x-ray診斷到，也可驗痰看看有沒有肺結核菌。

如果肺片系花得好緊要，白晒果種，就有傳染性。只是小小花就冇咁擔心。如果確診系一定會叫返診所食藥，一食開藥傳染性會減低。

至於你有兩個小朋友成日都上去佢屋企，會否被傳染就唔一定。因為小朋友會打過卡介苗預防針，理論上有抵抗力。

其實肺結核菌周圍都有，你是否感染全睇抵抗力（免疫力）。一般來說小朋友比老人家強。

肺結核菌怕曬太陽，常將屋內東西、衣被曬曬太陽，多做户外活動都是有益的。

如果確診奶奶系肺結核，醫生會要求屋企人去照肺，你也可主動要求幫兩個小朋友照肺，以確保佢地健康。

咁佢有無全身性症狀如 : 消瘦、厭食、疲乏、輕微發燒、咳嗽（持續超過三星期）、吐痰、咳血、胸痛或夜晚盜汗等既症狀，如有，就有*可能*係肺結核，因為肺結核照X光果陣係會有異常情況。

不過，其實照X光個肺花咗亦有*可能*係肺炎，而且肺炎亦會出現類似肺結核既病徵如 : 吐痰(黃綠色)、發高燒(起碼39.5度)、胸痛、咳嗽、咳血。如果只係肺炎，服用抗生素就得嫁啦！

不過如果有小朋友成日出入既話，咁都係搵E生問吓好D。

*****以上非專業意見！*****