✔ 最佳答案
你好!
本人做左煙民差唔多廿年,但就從未聽過有萍果味嘅煙!但就知道有橙味囉!
十年前左右,我有個女仔朋友買左包橙味煙,我試過一支,一打開煙包就聞到好濃烈嘅橙味!吸時,亦有一種橙味,好香架!但噴出之二手煙就同普通煙冇分別!
佢好似都係喺7仔買,牌子忘記了,價錢同普通煙一樣!
Actually有關買煙嘅牌子問題,其實可試試去啲舊式士多,即係咩乜乜辦館呢,有生果同xo賣嗰啲呢,通常比較多款,例如啲好冷門之牌子,於一般7仔都冇嘅,士多都會有!
其實香煙售價都係規定架啦!唔同牌子以及唔同size都唔同價錢,不過,有時去士多或報攤買,都會比7仔平,每包平$1!有啲會送埋打火機!
而萬寶路基本上係一哥,7仔梗有得賣啦!應該話有煙賣嘅地方都會有!also萬寶路分 :
a) 薄荷萬(綠色) - methol
b) 醇薄荷萬(白底綠邊) – methol light
c) 醇萬(白底金邊)
d) 中醇萬(白底紅邊)
e) 紅萬(紅色)
之前見過有藍色盒,但唔知限量版定咩味!仲有,有長版,比普通版貴一蚊!
另外,若嫌貴,可食winfield(威豪),其實都差唔多,不過,本人有種情意結,只會揀紅萬,唔知點解
最後,希望你唔會覺得我多事啦!見你所問,好似對煙好唔了解,所以覺得你本身應該唔係煙民兼且好細個!有冇估錯?anyways,如果本身唔食開煙,就唔好試喇!啲煙又貴,對身體又唔好!又難戒,also近呢幾年,社會越嚟越多措施去打擊煙民,例如加稅或大部份變左禁煙區,食煙好麻煩,成日要企出街食,嗰啲非煙民嘅岐視眼光實在…唉!總之,真係三思!
Anyways若有問題,電郵比我啦!
[email protected]
Winnie