大家好,請問大家有無試過係某d場合做左d唔知道唔應該做既野?

如題:請問大家有無試過係某d場合做左d唔知道唔應該做既野,跟住會比果度d職員勸戒?可唔可以分享一下有無呢個經歷?

我本人今日就經歷左一次
我唔知道港鐵車站原來係唔比影相既,就有以下呢個遭遇


話說我今日去左三個港鐵車站到影相同拍片(因為我本人係一個攝影發燒友),分別係葵芳,葵興同荃灣站,我影完葵芳同葵興站之後到影荃灣站,係荃灣站影左無幾耐就有個港鐵

職員同我講唔好影相,如果要影就要向站長室度登記,我同佢講話我之前上網問過一個網友(即係你),個網友話:"只要影響唔到其他人同港鐵既運作,佢地(港鐵職員)都會隻眼開隻眼閉"



於是個港鐵職員又話佢地唔知道我會唔會將d相同影片拿去作商業用途,佢話如果我影左就算啦由得佢啦唔好再影啦,我同佢講話我都知道相機既閃光燈會影響到司機駕駛既視線,所以我預先關掉閃光燈,佢話連關掉閃光燈同拍片都唔得,我問佢如果學校做project需要影港鐵或在港鐵車站影相果d點算,佢話如果偷偷麼麼影幾張就無所謂,我影相既當時係無開到閃光燈影既.