我應該結唔結婚呀???

我今年十月要結婚啦, 但我有小小怕後悔, 原因係因為好似喺近半年, 我發現我男朋友喺任何事上面, 都會偏心去佢媽咪果邊, 完全唔幫我, 又唔理我感受, 所有野都只係理佢媽咪感受, 我有同佢反應過, 但佢無回答我, 而且近呢一兩個月比之前更嚴重, 我好怕結左婚之後佢任何事都唔理我感受, 只理佢自己同佢媽咪感受, 我同佢媽咪諗法好唔同, 但每次我男朋友只幫佢媽咪, 我知孝順係好事, 但我先係同佢一齊生活嘅人, 而且我同男朋友都講好左, 結婚後唔會同佢媽咪一齊住, 雖然因為我男朋友任何事都幫佢媽咪而令到我而家好憎佢媽咪, 但我對佢媽咪依然好好, 但我內心一直都好唔開心。

仲有一次比較嚴重, 有次我同男朋友, 又係因為佢幫住佢媽咪而鬧交, 佢竟然講左句[不如唔好結婚啦], 我聽到呢句之後, 我個心好痛, 好唔開心, 我估唔到佢會為左佢媽咪講出句咁嘅說話, 雖然之後佢當無事, 只當隨口講, 但呢句說話一直喺我個心裏面, 我個心好唔舒服, 因為呢句說話簡直係宜插我個心內面, 我成日都會諗返, 每次諗個心都好痛好唔舒服, 有時仲會喊左出嚟, 我好怕結左婚之後, 如果再有同類型問題出現, 佢又會為左佢媽咪而話離婚, 我又怕就算唔係離婚, 每件佢都會唔多理我感受, 我好怕結婚後會變得更孤獨, 好無助, 我個心而家好亂....

比個例子大家參考:
近期開睇樓, 諗住買定樓, 但我地對新居地點有唔一樣諗法, 但我男朋友由一開始到而家(近兩個月)都係以佢媽咪為條件, 佢簡嘅地方對我返工嚟講, 係要成差唔多兩個鐘而且要轉車加行路先返到我公司, (因為果度完全唔近地鐡站, 要搭車先去到mtr), 但佢話因為佢媽咪想佢日日返屋企食飯, 想住得佢近啲, 我聽完之後, 我同佢講, 我話其實唔一定要日日返去佢媽咪度食飯, 每星期返一至兩次, 我覺得都已經ok, 因為我都想我地好似一般家庭咁, 我放工返屋企煮定飯等老公返嚟一齊食, 但佢無接納, 所以到而家我地都仲嘈緊呢個問題~~ 佢媽咪唔係好老, 而且非常健康, 佢仲有個爸爸同呀哥陪佢媽咪住, 根本無100%為佢媽咪而住果邊~ 而且我亦有同我男朋友講出我唔想住果邊嘅原因, 講真, 有時我真係想佢為我諗下, 我每日都要返工, 我返8:30, 每日返10個鐘, 每日加埋搭車時間都成14個鐘, 我都想多小小時間休息訓教, 但佢一d都無體諒我, 我真係好唔開心, 我更加唔知將來會有咩事發生, 到時佢又唔理我, 咁我點算呀???

請各位幫幫我解釋, 我應該點做???
唔該晒~~~