會考英文唔合格問題

1. 副學士先修基本要求係會考最少三科考獲E級或以上加會考中文及英文最少第二級. 有些院校會接受其他英語公開試(IELTS, TOEFL, GCSE)成績. 雖然英文唔合格唔符合要求, 但都可以試下, 以前有D院校會偷偷地收中英不合格學生, 但唔知有無收斂. 不過, 有D工係一定要求你會考中英文合格先會請/比多D人工, 否則就算你有副學士學歷都唔會考慮.
如果你入唔到副學士先修但仲想繼續讀書, 你可以報讀IVE基礎文憑課程, 讀完之後可以繼續讀高級文憑課程.
2. 新高中只係中六考一個公開試, 唔同現時舊學制咁中五及中七各考一個, 大學學位同以往差唔多, 所以競爭會大好多.
新高中下, 嶺南大學一般要求係中文、英文、數學及通識合格, 但其他大學會要求多1-2科選修科合格, 各科內容及大學收生要求可以上http://www.edb.gov.hk/334瀏覽. 新制科目比較似中四至中七課程, 唔同你會考只考中四中五, 高考考中六中七.
新制及舊制下分別最大係有通識一科, 中五未讀過通識可能會覺得較難捉摸, 所以好多學校對收重讀生係有保留, 就算肯開都唔會開太多位, 甚至要開學前花幾日密集式補番中四通識科內容. 仲有, 就算新制有D課程同舊制相同, 都唔好因為你學過而輕敵, 唔好唔記得係因為成績差先揀重讀, 重讀生仲係有好多不足要彌補的.

１讀副學士先修一般最低要求都係要會考三科合格，包括中英數，如果英文真係唔合格便不能達到收生要求，你亦可以考慮ＩＶＥ基礎文憑係比一Ｄ英文唔合格的會考生報讀，讀完之後可以升讀高級文憑！
２新制一般包含舊制課程，但係你要視乎學校可否酌情處理，因為你都要追返一年冇讀Ｄ野！
其實你都係決定返自己出路！