為了炒股, 放棄學業, 值得嗎???????

樓主，你呢個諗法我係16歲既時候已經有，當時係2007年7月份，正當大牛市前夕，短短1個月，20萬變成70萬，當時以為自已好勁，但自已個時係連移動平均線同rsi都唔識睇，一個海嘯，咩都無晒，但得到一個經驗

衣家不斷鑽研技術分析和基本分析，又睇下其他專家會用甚麼投資法，不停為自已增值，今年1月我開始重新投資，好開心，因為我用我既知識去投資股票，衣家就算係牛市中期，我都已經把我失去的囉返。

股要市場係不斷循環，錢係搵唔晒，下一個金融風暴打到黎，我都唔驚，股市變幻難測，如果你唔去增值自已，今時搵到錢，他日都有可能咩都無晒。

最後，無一個人能準確測到幾時到熊市3，連股神係今個海嘯都入早左，相信我或你都無可能測到，同埋到你再大D去讀書，個心情會唔同晒，未必想再背起個書包。同埋你話黎緊賺1倍係仲有可能，講真，係呢個時期，你唔通想買一隻股票，等佢升100%?你都知衣家好多都升晒上黎，好小機會賺到100%，但你只要選中3隻股票，每隻賺26%，你就有100萬了，但有無呢個能力呢，就好睇你既股票知識。

如果無知識，同師奶抄股有咩分別？好好地讀書，第2時唔好話牛市賺錢，熊市都賺到你笑，最重要讀好書先

這裏可以幫到你
http://actiownty.server2.166data.com/yahoo.com.hk/hk/auction/178987536

有一些實際在金融市場表現賺錢的報告, 看到之後, 再做決定, 用 2-3 年賺取足夠的金錢, 再去讀書或實現其他的夢想, 可聯絡 92-32 07-40 陳生

touch wood 講句,如果你輸哂個50萬,你想做d咩?
賺到錢當然最好,但係你都要諗諗最壞ge打算
我個人建議你出國讀書,見識出面d世界!!

知識學左係用一世,而炒股贏錢就只係瞬間光輝,照你計劃行事,假設成功埋,跟住又點???

而家牛2?你肯定?你點知?
幾時牛3?邊個講得出?
等到熊3再入?
你呢條計仔就連屋村師奶都識啦.

除左錢.仲有時間成本,你自己諗下,10年後先再想讀書,你既成本會比今日重幾多,包括時間,金錢,精神狀態,家庭包袱...

做人有錢但冇品味,你咁有錢黎做咩?

2010-04-12 23:50:48 補充：
哈哈,你真係要讀下書,我講既係品味,唔係你講既咩有冇品.

品味係冇得學習,係緣於生活經驗累積得來既情操,你錯過左學校生活,係追唔番,買唔到,明冇?

至於係咪牛2既問題,我提一提你,跌市最具殺傷力並唔係第一浪,因為人人識驚識走,最輸死人一定係第2浪,以為已經冇事果一浪,你2萬幾點入市,贏大錢未夠水位.

人各有志,意見不同但都祝你成功,係真心.

請問你今年幾多歲，你有信心用一兩年時間賺很多錢嗎？