最近有一位以前很好傾的朋友聯絡返(當年無聯絡幾年因為某些事佢唔尊重我, 而我無采佢就分開左), 依家聯絡返一傾傾幾好幾個鐘電話, 又出來見面..
咁我記得以前係佢衰我先唔同佢玩..
估唔到幾年後再見, 佢個種奸炸心地仍存在.
我好難得有個朋友, 可以互相傾計有默契, 傾到幾個句..
但係佢有一樣非常非常讓人討厭的事情, 就係佢最內在既心底唔好.
今日第一次見面, 佢叫我陪佢去舊公司攞支票, 佢同舊公司所有同事反晒面..
初初話陪佢攞支票以為好簡單, 去到公司門口先知有少少被利用咁,
去到先知佢整色整水, 原來同班舊同事一路攞支票一路鬥串, 我係被利用作為佢既支持者多個人做勢咁.
我唔了解成件事, 堅持唔入公司裡面係外面等..
咁佢攞支票時跟舊同事串左幾句, 佢攞完之後係門狂傾電話唔走, 諗下點樣整估嚇下班同事....
點知佢竟然打算報警, 話剛才與同事吵架, 引致佢受驚要警報送院攪大件事, (其實只不過跟舊同事互串幾句, 重預先錄左音咁).
我當時諗唔到佢係咁既人, 同埋覺得呢O的行為好浪費警力資源, 同埋好無聊到極既行為, 總之我唔支持佢呢種行為.
佢報左警, 迫我陪佢等白車一齊送院. 我唔肯, 我話我唔會見到救護員, 唔係代表我無擔, 而係我唔支持佢咁既過份行為, 我唔會做的. 咁我堅決比返O的野佢就走左. (佢要報警佢既事, 我唔認同佢既行為的, 唔關我事點解要我在場)
咁我自己一個走左. 其實我對佢好失望, 本來諗住一個好好傾既朋友, 難得佢咁好口材可以令到人同佢傾好多野..一切都好愉快, 可惜佢心底有著咁邪惡的一面. 我一向都唔鐘意呢類人, 攪屎攪路好乞人憎.但睇著同佢係好傾的朋友, 試下另一角度了解下佢..
點知佢電話度話我走左唔陪佢, 話我細擔無用(我重申唔係細擔, 而係我唔支持佢邪惡行為而走的), 又話我細擔到死, 唔怪得無朋友, 話我個人有問題, 有少少精神病乜都驚之類...
本來我地好好傾關係好好, 為左呢件事我地有很大分歧, 而佢重向外人講話我唔陪佢上白車細擔無用(那個外人當然應同之類..因為可能佢改騙形容到我十級細擔都唔出奇)
我覺得呢個朋友要人地支持佢既一切行為, 若果別人唔支持就係別人有問題(無擔/精神病/無用/更嬲係話唔怪得無朋友), 我覺得佢都唔尊重別人感受, 同埋或者跟本就無當過我係朋友.
--------
我想問呢個朋友值得繼續交往嗎? 我覺得佢心底有咁既一面(攪呢攪路報警)真係好恐怖得人驚. 我係好單純思想, 唔鐘意呢O的人品好麻煩.
但問題係我自閉左2年, 呢個係第一個好傾既朋友, 如果我踼走佢我就一個朋友都無, 要從其它方面一個一個咁加返朋友(我唔知做唔做到), 最大問題係佢話唔怪得我無朋友令到我好氣頂(好似中佢計咁), 我真係唔想被佢睇死, 所以我想搵好多朋友而唔洗同佢玩.
咁我應該點做:
1. 完全疏遠呢個人, 就算自己無朋友都唔同佢玩.
2. 扮同佢仍是朋友, 然後慢慢疏遠, 慢慢搵些人品正常的人做朋友.(因為我怕一下子絕交, 佢會背後不斷唱衰我, 佢咩都做得出)
3. 照同佢做朋友, 雖然佢心地有奸險一面-人品有問題. 但也做朋友.
本來我地諗住有很多活動, 例如遊覽, 行山各樣同佢去等等.. 但疏遠佢就一切都幻滅了. 我覺得佢為左整人嚇人而攪報警, 呢種人好恐怖同唔鐘意呢種人. 我覺得佢先至係有'精神病的那個. 而我係鐘意善良真誠既人, 唔鐘意呢種人做朋友好唔安樂. 佢出賣人地明日都可以出賣我.
唉, 有時覺得好灰... 佢有一把好的口材, 但人品有問題, 我地心地善良但唔識講野就無朋友. 比佢一句話唔陪佢上白車就唔怪得我無朋友, 依家重好氣頂緊...究竟呢種人值得交往嗎?
其實唔知點解我同個個朋友都係咁, 因為意見不合同時對方唔尊重我, 我就唔同佢玩, 所以無朋友, 點解個個都咁對我咁唔尊重我>_
我想做個心地善良天使,雖然唔鐘意呢種人品, 但我唔想關係攪到咁差, 定係今次包容佢算.. 人品正錯咁敏感話題少講呢????
我覺得自己係比較奈弱容易被欺負形.. 所以佢搵我中呢O的計又唔搵其它朋友試驗.. 依家我最驚係覺得佢人品有咁題, 就算同間公司有仇, 咁攪呢攪路來對付敵人簡直幼稚又無聊又乞人憎..... 就算我比佢暗串我唔怪得無朋友呢度氣吞左都算數, 佢個人品好怪.... 我好驚下次同佢出街, 唔知遇到乜事又玩報警, 叫我陪佢等警察真係采佢都傻(陪佢咪等於我支持佢行為?) , 我根本覺得佢係有心整人. 同埋我有睇時事,好憎呢種無聊人浪費立稅人資料..
我突然覺得自己好了解社會, 好想做正義個種....佢有咁聰明既頭腦, 可惜用錯係不正常方面.. 咁你地都要教我邊種方式疏遠佢, 依家我既心事都好少同佢講喇, 以前成為同佢呻怎樣怎樣無朋友.. 越呻咪越比佢睇死. 我係好乖好純思想, 唔識拒絕人, 唔識接招拆招., 不酒煙粗口, 但我又唔返教會, 我係堅持不屬於任何宗教, 信仰, 傳統. 我信現實, 信科學. 總之我很愛辯論, 可能因為太有自己立場和爭咬, 所以同朋友不和.
重點想問, 你地唔支持同佢玩係基於: 佢對待我唔好/ 還是佢人品有點問題???
如果我疏遠佢, 即係6年前既絕交事件又重演一次.. 唉~才剛聯絡一星期又重演絕交~ 我地立場太過對立了, 一個係正一個係邪..我睇唔過眼佢做既事..佢又批評反佢意見既人才是有問題.
其實我堅信, 如果自己係天使光明正大, 就算遇到邪惡惡魔都唔洗怕佢, 因為光明正大無野要怕佢..但點知比佢話我有問題.
經過呢件事之後, 我覺得有時寧願同一些很無知,很老套, 或者脾氣大或古古怪既人出街, 都好過同呢種人品有問題既人出街, 真係隨時為度氣報警叫你陪佢等警察...掉臉到死, 出街一直都唔安樂.
我本來覺得自己光明正大, 唔會比佢欺付到我乜野, 我又諗住做天使, 希望可以感化下佢正確觀念, 可惜我道行唔夠高, 我懷疑自己唔小心比佢利用埋都唔知. 同埋叫我陪佢上白車我真係做唔出囉.. 佢話佢既乜乜朋友肯定陪佢. 唉, 都唔知點解佢都有朋友支持佢, 反而我就無朋友.
如果你係我, 當時見到佢有意報警, 你係我你做點做?? 立即阻止定係由得佢報警但你唔加入支持. 我相信一些有說服力和正義的人應該會阻止佢加苦口婆心一堆話, 可惜我未夠功力做唔到.
