倉鼠生仔後問題....激急- -!!!!!杰請入plz

1)會,會再交配好容易有BB阻5到佢地
2)21日之後賣比倉鼠店,再次生過用第2個籠
3)臭冇辨法你可以用手套換
A.可以俾d鼠專食既魚仔乾,同時俾奶粉沖既奶俾鼠媽飲,記得要常更換




B.鼠b死亡,可能係天生夭折,亦可能係被鼠媽傷害,唔想再有鼠b死亡,最好唔好打擾佢地,就係最幫到鼠b既方法,愈睇得多,接近得多,只會增加鼠b死亡既機會,而鼠b要到21日先可以戒奶分籠,而家都仲需要鼠媽餵奶及處理鼠b排泄物,千萬唔好因為有死b而分開佢地,咁樣鼠b都生存唔到既






唔理鼠bb or 鼠bb被食有幾個原因:



1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb



2)鼠媽媽覺得bb養唔大-鼠bb身體弱 or 自己冇足夠既奶分俾佢地



3)鼠媽媽覺得bb有第d動物氣味



4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張



5)鼠bb死左



6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb






鼠鼠生左bb之後要留意以下幾點:



1)將鼠爸及其他鼠分開



2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶)



3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既



4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.



5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.



6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣






C.其實鼠鼠最好分籠,繁殖鼠鼠會有好多問題,希望你可以考慮唔好再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:



1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既



2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢



3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢



4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦



5)就算唔打傷打死,都會感到壓力,壓力會誘發甩毛肚瀉等疾病



6)一籠唔止一鼠,仲會較惡,特別易咬人同比較難同主人熟



7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶



8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可以會見到食b既情況

未答你問題之前, 要講就係 bb 出世之後, 一定要跟住鼠媽媽, 佢地要飲奶, 只係將鼠爸爸分開, 千萬唔好分開鼠媽媽和 bb. 唔係, bb 無奶飲, 會死的.



你既問題:
1. 會又再生過
2. 盡快送左出去.
3. 你當然要保持清潔, 日日同佢地用沖涼粉乾洗, 換木糠. 無錯, 係好無奈的.
4. bb 出世之後, 一定要跟住鼠媽媽, 佢地要飲奶, 當時, 佢地應該係粉紅色, 未開眼, 不過佢地大大下, 就會生毛, 變黑色, 眼隻會打開, 當佢地有牙仔的時候, 就可以自己搵野食, 果時就可以分開了.


就算你將仔同女分開, 佢地再大d, 仔果堆都會打架的, 女果堆亦會一樣, 即使佢地係一同長大, 係兄弟, 或姐妹, 都一樣會打生打死.

我係過來人, 我最高峰時, 養左23隻, 分完一籠又一籠, 因為打架. 最後, 頂唔順, 分批送比人, 送剩得2隻, (因為我有2個籠) ...跟住佢地老死, 之後........ 現在我一隻都唔敢養.

2010-04-16 00:10:48 補充：
問題3. 日日同佢地用沖涼粉乾洗, ----> 係要等bb大左先呀, 佢地未大, 你千萬唔好捉佢地, 仲有, 你隻鼠媽媽, 一胎生左8隻咁多, 係會有機會有.. 一. 二 隻養唔大, 有d身體弱d既, 鼠媽媽會唔比奶佢飲, 當夜晚時, 仲有機會可能食左佢落肚. 因為我見過.

俾隻女俾我
地點:天水圍天澤公園5:00用盒仔俾,4月26等

2010-04-14 17:56:48 補充：
2)根據第一題 : 如果真係會再次生過 咁我屋企得2個籠- - 加埋你話唔好比鼠bb一齊 唔係既話就會打交 加埋加埋 咪要10個籠- -!? 唔好話金錢方面啦 我屋企都無咁多地方擺- -我而家點算好?
你可以分開女一龍男一龍,個龍要大少少姐,只要好好教導,就唔會打交,我都係咁,如果佢地打交就冇野食一餐,佢地就知怕怕

1,一定要將媽媽同爸爸分開...bb跟住媽媽...如果唔係好快又生過~好多人都係咁生完又生...搞到勁煩!
同埋唔好掂bb呀!bb有你既味...媽媽會咬死bb嫁!平日偷偷地比糧同換水...唔好搞媽媽....唔好掂佢摸佢~1個月唔好換木糠~總之1個月唔好理個籠...只比食物同水佢~平時睇下有無bb死左就得~

2,你而家有2個籠就將爸爸拎去第2個籠先~等bb 1個半月大後要分bb同媽媽~以後分開爸爸媽媽....

3,你可以去不同既倉鼠店問下~ 8號兔會收...係屯門及荃灣,元朗有分店...
又可以上不同論壇比人領養~

2010-04-09 23:34:42 補充：
1個月大都可以比人既...不過最好1個半用大

2010-04-11 12:34:58 補充：
http://i153.photobucket.com/albums/s238/chinchilla_forum/8rabbit_map_1.gif

以上呢個網有電話地址