✔ 最佳答案
你可以參考:
http://www.ctshk.com/zhengjian/qianzheng/jia.htm
申請台證是比較煩的,因為『香港金鐘力寶中心東座 4 樓』的電話永遠都是打唔通的,而且親身上到去後,你要花太概二個鐘以上的時間去排隊,只有兩個櫃枱,無任何工作人員企喺度比你問野,亦都無任何表格擺喺度比你拎,所以你一定要排隊,攞表格嗰條隊就排半個鐘以上啦,交表格嗰條隊就要排一個半鐘度多少少,因為真係超級多人架,因為我上個月先搞完台証,所以深深感受到係好痛苦ge事,如果你地怕煩,可以直接Through旅行社幫你搞台証,但係佢地會收你百幾蚊手續費,如果你唔介意花時間去搞,咁就可以自己親身上去搞囉。
有一個偷雞辦法,就係如果有朋友近『香港金鐘力寶中心東座 4 樓』,叫佢上去問填緊嗰啲人攞一份多餘ge 表格,你可以選擇即場排交表格嗰條隊,又或者拎走份表格先,返屋企慢慢填,填完後你下次咪可以直接排交表格嗰條隊,咁可以慳番大半個鐘唔駛排攞表格嗰條隊囉。
記得表格入面,其中有一欄t係要申請人之爸爸、媽媽、仔女ge資料架(分別要填佢地ge出生日期、歲數、住址、職業..,就算父母死咗都要填架,記得填清楚,如果唔係交表格時未填好,又要你離開再填,不過櫃枱職員會叫你填好再返番嚟佢個櫃枱度,但都真係幾煩!所以一定要填齊,唔好漏野。