如何幫2星期大的貓bb除蚤?

千祈唔好買任何殺蝨產品! 年紀太細喇會中毒 . 可以用蝨梳走d蝨
你可以用暖濕毛巾同佢抺身, 貓b沖涼一熱一冷好容易失溫..唔建議新手做

你而家應該帶貓b去睇獸醫body check先, 買返黎既貓一定要, 因為健康冇保證

2010-04-09 02:04:03 補充：
先唔好俾貓貓周圍走先~困籠~
之後將你自己的家居用品消毒~

我家喵喵來我家時又係成身蚤...
咬到死下死下...
當時我媽媽定時要清潔家居用品....
噴BIO KILL(惠X、百X有售)~但小心別噴在貓B附近！
保持空氣流通~
日日得閒就幫貓貓梳毛，用蚤梳喎(旁邊準備水，一梳到蚤就浸落去，蚤即死！)
初初我都試過梳左1X隻出來..唔駛驚的！加油梳即好！
另外可以買除蚤粉幫貓B乾洗(貓B太細不建議用水洗澡)
用蚤梳、除蚤粉、家居保持乾淨~
咁就好快無蚤GA啦~
等到貓B可以洗澡了.....到時樓主你再帶走貓B一下，
再用殺蚤彈炸自己屋企一次！事後幫貓B用埋滴頸...

你好!
家中七隻貓都係執返嚟(前後執左17隻,養得大就只有7隻)!因我有餵流浪貓,所以一見個貓媽生b,我就同佢爭仔!
由於慳錢,所以頭14隻,都係我或朋友幫佢地沖涼同杜蝨(係捉先啱),後尾幾隻先拎去寵物店!因為指甲長,又細隻,怕凍親佢地,倒不如拎出去寵物店,比200就幫我剪好甲,杜晒蝨,沖涼埋!乾手淨腳!除左…
我家老二,發現佢比人用個水桶困住左!執回家同佢沖涼!望清楚!嘩!真係第一次見咁多蝨,你唔會想像到!
a) 首先虐待過,因佢隻腳指係分開左,應被虐待完再放入水桶,所以佢好惡,保護自己吧!
b) 成個身都係紅毛泥,因餵貓個平台裝潢,周圍都好污糟,但佢誇到成個背都係gel(如人食嗰啲豬紅咁嘅色),似比人用個鏟”吻”上去咁!啲毛kick實晒!背部有血水滲出,唔知泥定血
c) 都算,條頸嘅毛係白色,但比啲蝨遮到天狗日蝕咁!打個比喻!朝早起身懞懞下,見到枱面有黑森林旦糕,諗住攞隻义一吉,嘩,原來係忌廉旦糕嚟,黑森林係因為全部都係蟻,幻想到嗎?
d) 當時冬天怕凍親佢,預備左好多膠袋,一卷抺手紙,先開熱水,然後浸老二入去,諗住用毛巾同佢擦走啲化學泥,三秒已經要立即拎返上嚟!因成盤水已經豬紅色,絕冇誇張!當時連我共3人,一上水a就立即用廁紙包住佢身,b就打開膠袋放落去,等我換水後又嚟過,試左幾次,後尾放棄,諗住第日叫朋友上嚟幫手捉蝨先,之前養過貓嗎,捉蝨好煩,所以決定拎出去比人攪!
e) 最大劑係佢好細隻,體型似三星期大左右!嗰陣,男友帶埋佢落機鋪打機,怕凍親同驚佢走甩,所以廁紙包到佢成隻木乃伊咁,楝左喺機面,包煙楝喺隔離!哼!包煙仲大過貓!
f) 最初,因太細隻,冇一間肯做,求個老闆好耐,結果肯接,雖貴左啲,因比一般貓更嘥功夫,可想而知幾嚴重!人地要ot,但佢係我老二救命恩人,原來,佢背比蝨咬爛晒,所以滲出血水!話已搽藥水了,亦冇收返我錢!當我去寵物店接佢走,先知老二對腳原來白色架!哈!
捉蝨
(1) 一定要兩個人,一個抱住,另一個就要撥開啲毛(一定要),見到皮膚,再用指甲逐隻挑出嚟,挑左出嚟後,一定一定要用指甲MIC死啲蝨,確保死左,然後整落水中,咁就安全,否則,啲蝨生命力勁強!若有第二隻貓喺屋企,一定要隔開,以防萬一,啲蝨繁殖力超快!
(2) 但亦有人話,當蝨離開貓毛,好快就會死!只能生存毛髮上,所以,多年嚟我都唔會著住冷衫幫貓咪杜蝨
(3) 杜完之後,繼續隔離多一個禮拜(怕有蝨旦),若冇再發現蝨,就ok喇!怕抱佢時會跳落冷衫!所以成個星期唔敢著!雖則誇張左啲,但唔清楚寄居於毛髮上是否包括冷衫,因家中仲有老大,怕惹開!
捉蝨辦法
(1) 蝨梳~你可去寵物店,同佢講要把針梳,講明貓b使用!價錢若50-100左右!
(2) 用藥水~可link下面網誌,我特登影左我家用之殺蝨水比你參考!至於點用等等,我已寫註解,如果唔明或睇唔到,可隨時搵我,入面仲有好多貓用品
http://www.facebook.com/photo.php?pid=3761236&id=677677696#!/album.php?aid=146644&id=677677696

我的建議
我超級認同001話唔好用藥水,驚受唔到刺激,絕對啱!但用蝨梳,我就唔多贊成(唔好介意,交換意見而已)!因把梳啲針好吉!成年貓都唔會用蝨梳,怕大力得滯會整傷佢!
因此建議你,第一次都係拎出去整,你幫唔到佢沖涼剪甲等,人地始終專業d,若係新手更加唔好滯
其實,自己執返嚟嘅貓,已經好多野要攪,仲要咁細隻bb!就要更小心!仲有好多嘢要注意,如餵食杜虫,沖涼,剪甲,打防疫針,食物方面,暫時唔好比其他罐頭糧或乾糧佢食,你可買幼貓專用奶粉!若家中有其他貓,一定要隔離否則如我一樣,唔知有感染,所以惹開晒,結果走左咁多貓!
因唔知你有冇養貓經驗,所以唔敢講住,怕你覺得我多事,你只係問殺蝨,我又答咁多野!不過,我都係想幫你而已!唔好意思啊!本身係貓痴,亦好鼓勵人去領養,最好就係自己執啦!覺得你心地好好(間接讚埋自己,哈哈)!你可睇下我其他有關貓問題回答,全部都冇翻炒,因認為唔同情況有唔同處理方法!
Anyways,如有任何養貓問題,或者須要幫手,你可隨時send電郵比我!任何時候都可以,希望幫到你!
[email protected]


Winnie Lee

幫2星期大的貓bb除蚤方法可參考
http://hk.knowledge.yahoo.com/question/question?qid=7010040800988
窗網資料 http://www.uwants.com/viewthread.php?tid=8822394&extra=page%3D2
無窗網好危險例子 http://www.discuss.com.hk/viewthread.php?tid=10395343&extra=page%3D1
養貓新手須知 http://www.hkcats.org/phpBB2/viewtopic.php?t=12951
http://www.discuss.com.hk/viewthread.php?tid=1590652&extra=page%3D1&page=1
防疫注射 http://www.oicpets.com/article_vac.htm
電話/網上訂貨送貨寵物用品公司o既資料 http://www.hkcats.org/phpBB2/viewtopic.php?t=16350
有咸+調味 的食物/零食 ,貓是不須吃的.無益 :太咸 , 太乾 , 太多防腐劑 .
獸醫說如果無生蟲但貓偶有軟便/貓屎有潺(粘液附在屎表面)甚至有血,不正常甩毛(非皮膚病) ,就是食物不適合貓, 要即刻轉糧, 就無事 .
吃了含穀物的貓糧, 貓的大便就會勁臭 ,原因係糧裡面的殼物令貓消化不了也吸收不到。
貓不應吃五穀 http://www30.discuss.com.hk/viewthread.php?tid=10249892
提你：轉吃 無穀物貓糧 http://www.hkcats.org/phpBB2/viewtopic.php?t=68246
http://www.hkcats.org/phpBB2/viewtopic.php?t=68654
貓貓每日所需水量(內有寵物飲水機資訊) http://www.hkcats.org/phpBB2/viewtopic.php?t=25251
提然糧因無化學防腐劑 ，所以更要小心保存以防潮濕
存放 乾糧 / 濕糧 的方法 http://www.hkcats.org/phpBB2/viewtopic.php?t=50794
乾糧倒出來盆後每12個鐘頭,就要全丟棄,把盆洗乾淨後再倒新糧入.
罐頭可以先用匙羹取出今餐所需分量,剩下留在罐內用保鮮紙封罐口然後放入雪櫃保鮮格(最多可置24小時),下餐從雪櫃取出罐糧倒在碟放微波爐用最細火加溫10分鐘待暖就可給貓吃.
濕糧倒出來盆後,每4個鐘頭(夏季室溫)/每6個鐘頭(冬季室溫) , 就要全丟棄,把盆洗乾淨...
用 白瓷製/不銹鋼 製成的飲食器是比較好,用極闊大的平底碟 來放乾糧 , 放乾糧時 掃平 成單層(不叠糧) ,若用罐糧也要把它開出在碟上,壓掃平 . .用極闊大的平底碟 來放乾糧 , 貓的鼻/下巴就不會埋浸在糧食當中,因貓舌是不能自舔到下巴的,所以這樣放糧就可減低下巴生瘡的機會. 若你擔心貓會把糧從碟推到地上,可把碟放在托盆上,托盆放地上 .
必理痛Panadol 含有 撲熱息痛(Paracetamol / Acetaminophen) 這種成份是對貓有毒害性
http://tw.myblog.yahoo.com/yalu-gogo/article?mid=6162
貓咪的飲食禁忌 http://www.hkcats.org/phpBB2/viewtopic.php?t=1775
對貓咪有毒的植物 http://tw.myblog.yahoo.com/panbyebye/article?mid=11874&prev=11928&next=11799
仲要收好家中的細小物件及膠袋/繩/橡筋 , 以免貓誤吞異物致腸塞...
貓貓行出砂盆 黎既時候會帶埋ｄ沙出黎 , 有墊有效
http://www.hkcats.org/phpBB2/viewtopic.php?t=71588
http://www.hkcats.org/phpBB2/viewtopic.php?t=70951
想吸味及冇咁大塵 = 活性碳紙貓砂
平貓沙 http://www.hkcats.org/phpBB2/viewtopic.php?t=69156
http://hk.user.auctions.yahoo.com/hk/user/pets2288