6月尾會去北海道自駕遊，有d問題想熟悉北海道既朋友幫幫手

因為黎緊6月尾會去北海道自駕遊，有d問題想熟悉北海道或者去過北海道既朋友幫幫手

我地一行四人，之前都跟團去過東京、沖繩，今次係第一次去北海道，6月尾去，7日6夜，會去扎幌、小樽、富良野、美瑛、稚內、登別，想自己揸車玩，想計清楚晒有幾多洗費同埋想計準d時間，所以有好多詳情想問下

其實我地都只係諗住照旅遊書去d大路d既地方玩，而家諗到想去既地方都好多，預左去唔晒到時再會睇情況會cut減d

暫時幻想行程如下：

第一日
香港--->新千歲--->札幌(JR Tower、Esta、Apia) --->住札幌

第二日
札幌--->登別(Nixe、熊牧場、伊達時代村、溫泉街、地獄谷)--->富良野--->住富良野

第三日
富良野--->富良野(富田農場、北星山町營薰衣草園、日之出公園)--->麓鄉(富良野Jam園、麵包超人店)--->美瑛(拼布之路、Trick Art Museum)--->住富良野

第四日
富良野--->稚內(稚內公園、宗谷岬、野寒布岬)--->小樽--->住小樽

第五日
小樽--->小樽(小樽運河、小樽音樂盒堂、銀之鐘、北一硝子館、大正硝子館、萬花筒館、六花亭、三角市場、壽司屋通)--->札幌--->住札幌

第六日
札幌--->大通(大通公園、TV Tower、二条市場、丸井今井、Tokyu Hands)--->薄野(狸小路)--->住札幌

第七日
札幌--->円山公園(北海道神宮) --->中島公園(貓狗樂園) --->新千歲--->香港

想請問：

1. 去小樽、登別、稚內，搭車定揸車會方便d？

2. 承上題，如果揸車去上面三個地方會唔會有免費泊車既地方？

3. 登別三個主題場館、一日玩唔玩得晒？

4. 揸車由富良野去稚內真係要成5個鐘？1日來回會唔會癲得濟？有無人試過？

5. 小樽、札幌既泊車費大約要幾多錢？

6. 承上題，如果照我上面個行程咁樣遊覽小樽同札幌，揸車定搭車會好d？

麻煩晒，謝謝～～