博士是否識晒所有知識？

當然唔會即時答得出"任何問題". 但博士做研究方面了得, 就算唔係一時三刻答到你, 都可以比一般人以較短嘅時間比到一個詳盡仔細嘅答案比你

做某一系嘅博士唔代表佢識晒任何關於嗰一系嘅嘢. 情況好似一個中菜大師傅, 可能佢做開廣東菜, 做得好出色, 但唔代表佢可以同樣即刻煮到同樣出色嘅上海菜, 潮州菜等等.

博士生開始時會同佢嘅Professor 先定下佢論文嘅題目, 然後就專注去做研究. 好似一個讀人力資源管理嘅博士生, 佢可以係研究企業入面唔同嘅升職制度同獎罰制度對各員工嘅心理影響, 咁佢可能對其他人力資源有關嘅嘢, 好似 labour law, 培訓研究等就唔會咁熟悉. 而中文系嘅博士生亦可以專門研究白話文與繁簡體中文對華語國家地區文化發展的影響, 但佢可能對唐詩宋詞未必滾瓜爛熟.

中文系的博士，是否問佢任何中文方面的問題也懂得？

應該無問題的？你可以試試發問？反正科目他是專長。正常之下一定可以董得。