歐洲買Gucci / LV

1. 其實兩邊買LV都係用歐羅標價，不過法國平 d。你可以上LV official website，分別揀Italy同France既website，catalogue有齊所有款同當地既selling price，你可以慢慢比較～除此之外，記得諗下自己既行李，如果你幫朋友買，尤其如果你要埋個LV gift box的話，係好重架！

2. 如果同樣係歐盟成員國，響最後離開既國家一次過搞退稅就得。即係法國買完，意大利走既時候海關一次過搞 。

3. 法國 ： 雖然佢地VAT 1X%，但左扣右扣，信用卡折算返港幣後，最後大概 10%。如果你選擇退Cash就連10%都無！

如果你響法國老佛爺買，同樣可以即刻搞埋退稅既手續。因為老佛爺有3個building，LV同其他名店都響main building既G/F。LV旁邊有escalator落一層就係tax refund dept。LV買野比錢既時候，Sales見你係外國人，已經會問你攞passport登記，然後憑單去refund，佢會首先叫你自己填form，然後同樣你計數，可以退返幾多tax。好整齊入落信封比你，乜都唔使再搞～

無論響邊度買都會問你退錢去信用卡定要現金。我都選擇退稅落信用卡，係因為如果要現金的話要收fixed charge。但玩法係點就視乎每個store，可能係每次退稅固定收一個數目，又或者固定收多某個數目既%。不過通常人都request退落信用卡，咁你要考慮既係exchange rate。因為d稅可能一個月，可能3個月先退返落張卡度～

因為當地政府要make sure真係遊客買左件貨品並帶左出境，所以有海關既地方先有得退稅，所以都應該只有機場。

4. 一般如果唔係退稅，以1歐羅:11港幣計算，大概 86折-9折。視乎款而定！

5. 6. 無得賺！ 因為試過一個全新LV拎去米X站放，佢都收5-6折，因為佢要賺你！所以你無得賺佢！你想賺，人地舖頭都要賺．一個袋香港賣8000為例，水貨舖通常九／九五折賣出街，即係得一折HKD 800你地兩個分，咁你話喇，如果間舖頭會唔會一個袋只係賺三五百？換句話說，我都唔知佢會肯幾錢幫你收，你又究竟可以賺到幾錢。

7. 非你可以去法國買到Hermers 袋，咁就完全唔同！Hermes唔係有錢就買到，去到法國專門店，仲要睇下d sales肯唔肯賣比你．所以如果你買到Birkin，咁拎返香港就有市！如果你咁好彩買到好hit既色，或者好特別既款，咁你就唔使擔心返香港放唔到。另外，除左Hermers，如果其他牌子（e.g. LV , Chanel, Gucci）你買到d特別版or限量版，返香港都應該唔難放既．但如果普通人／門外漢，就真係未必買到呢d喇～

8. LV, Gucci, Chanel, Hermes呢d全部國際大名牌係公價 ！


**如果你真係想買袋黎賺錢，倒不如問下身邊親戚朋友有無人想買，咁樣的話佢可以平少少買之餘，你又可以賺d錢．但要記得買既時候分開單，一個袋一張單，易d計數．如果LV既，你可以去LV網頁揀France，catalogue有齊咁多款既model code，尺寸同英磅／歐羅既價錢，可以同香港專門店比較下．


希望幫到你
Nice Trip～