讀書究竟為乜?==

你有否遇過以下的一對情侶？
這一對情侶，男方是教育工作者，女方是律師。他們剛開始談戀愛不久時，每次約會說得最多的，不是「我愛你」、「我掛念你」等綿綿情話，而是經常在說話之後問：「你知不知我想說什麼？」和「你明不明白？」若你以為這是基於彼此的職業病所致，那你便大錯特錯了。他們比誰都清楚要維繫一段感情，不是靠甜言蜜語，而是需要「真知道」。真的，人與人之間的誤會，很多時都出於猜疑和誤解，你不知我想做什麼，我不明白你的想法。所以，清楚瞭解對方的想法，是溝通的重要橋樑。
「真知道」可以應用在不同的地。學習方面也是一樣，我在以往七年從事教育工作的過程中，遇過兩種學生，一種是讀書成績很糟的，不是他們的資質較其他人遜色，而是他們不知道努力讀書究竟為了什麼，所以無心向學；另一種是讀書成績很好，但卻生活得不開心，只感到莫大的壓力，而沒有任何成功感，原因很簡單，同樣也是因為他們不知道努力讀書究竟為了什麼。
也許他們的成績參差得很，但終歸他們在學習上遇到的是同一問題。如何幫助以上提及的兩種學生，就是先要他們重新審視自己為何要讀書：到底我們為何要讀書？讀書是為了求分數？求成功？求知識？還是……其實，讀書並不只為知識的追求，更可以訓練思考、感受性，以及提升對人、對事、對社會理解的深度，他們便自會明白讀書的意義，然後成績也自會進步，並且變得快樂。
當我們掌握了「真知道」這個概念後，便可靈活地將它應用於不同的範疇，面對困境的人亦然。我遇過很多人，他們面對的問題其實並不是那麼嚴重，只是他們並不知道問題的核心所在。像我朋友的一個朋友，被公司解僱之後，一直深深不忿。他認為自己工作能力既高，而且勤奮，根本沒理由被公司放棄的，因而沉溺在傷痛中，自暴自棄，甚至不願意去找新工作。直至他在街上遇見舊上司，舊上司說出了他的問題是過份自信，對人無禮，影響了整個團隊的士氣，他才恍然大悟，於是便重新振作，並認真地改善自己的缺點。後來，他在新公司深受老闆重用，而且也獲得同事愛戴。
可見，不論在人際關係、學習或者事業上也好，「真知道」對人來說都是相當重要的。只有真正知道對方的需要，才能作出恰當的付出，否則只會徒勞無功；只有真知道自己的缺點，才能改善；只有真正知道人生的方向，才能朝目標直跑。原來只有真正知道自己的信念所在，才能將之化為行動，一步一步的實踐，令生命活得更豐盛。「真知道」的重要性可見一斑。

2010-04-09 10:04:10 補充：
**願我是你_最在乎的．．．★☆〞,既然你唔想自己溫書,咁你補習攞。

2010-04-09 16:41:01 補充：
塔爾斯兄,你睇
http://hk.knowledge.yahoo.com/question/article?qid=6910040901026&mode=w

同學你幾大？我中三，同你分享下我既睇法啦。你仔定女呀？女既話中三畢業是但搵條佬嫁左佢啦你講到咁冇要求。仔既話要諗下喇，屋企兩老等你養。

學校係社會既縮影，響學校學習既唔單止單單係知識，更多既係同人相處、面對困難點解決。

你諗下啦，如果你係父母，或者琴行既老闆，又或者學校既老師，你需要搵個人番黎教小朋友／學生樂器，一個係大學畢業既一大學，而另一個係中三畢業既半中學生，你會揀邊個？我理得你八級定演奏級定乜野，理得你識飛，同一個level而學歷比你高既一定大把，由此可見學歷其實都好重要架，除非你天生係天才，彈琴彈到好似郎朗咁勁，但試問你係咪？呢個世界有幾多個天才呢。

你個長笛老師搵到食，我個guitar呀sir都係中五畢業就出黎教guitar，佢都搵到食，但萬幾銀一個月，唔多唔少咁，叫做夠食囉，咁既生活你滿足？又儲唔到錢買樓，想俾多ｄ呀媽洗都冇，廿幾歲人就黎三十仲住響屋企靠父母醜唔醜呀，老婆等你養就餓死啦。

其實我唔明點解會唔鍾意讀書？中史死記果ｄ另計，因為我覺得真係冇乜用，但phy、chem、bio或者初中既science，其實逐步理解「點解會係咁？」都好有趣，呢個世界有大把野你唔識，大把野人類唔知，如果你真係唔想知，你既求知慾都未免太低喇，想做井底之蛙？

凡事留一手好，你真係唔讀書第時搵唔到教長笛既工你咪大獲囉，呢個地球／香港地是但篤幾個人都有個識啦，樂器其實好普及…。

anyway，我意見啦。

算la= =
我都吾想讀書 ,點解 !?
第1,,又要早起身好辛苦 起身果時有種好強烈吾想番學既感覺,
第2,,番到學校又點 !? 上英文堂又吾知佢up物, 數學仲衰,又吾知點計果d
第3,,番到學校上堂就望快d放學....日日如是!!!!
第4,,我番學都係吾想我老母吾開心 因為佢想我成龍!!

不過吾番又吾得...你諗下只要你日日番學有人陪...就ok! 我吾信個個想番學lo

我讀到中6就吾讀la,, 真係好辛苦...

你吾番學為物 ? 你做到咩 ? 係物都做吾到= =
你讀到之後就勁秋!!!點解? 你出街人人都會話 佢物係邊個邊個既仔lo 好叻嫁 邊到邊到大學畢業 !!!

steventtw20 大師之言簡直是字字箴言,要不是在社會打磨多時及認真學習,根本不能打出類似有如此神韻的文章,包括本人。

因此,本人不會說很多東西。

樓主如此認為,是因為(可能)知道出到社會工作,未必把成績分數名次看得太重,難道外出與人談生意時知道你小學時科科包尾便不與你交易麼;反之會考十優,定必容易交易成功,個個只會找你?自然不是!!

不過,這不是給每個人不用用功讀書的一個理由。自然,當現不是要你出類拔萃,科科第一,但是,每個人一定要有一個求知慾,肯去學習,追求知識的心,事關這才會懂得去享受世界上每一種事物,這不是只懂得長笛便可以。讀書是其中一個法門,成績只不過是反映自己對該知識有幾多認知的方式之一。

在數年前的日劇《女王的教室》中的阿久津真矢(天海祐希 飾)曾道出讀書之樂:

(希望steventtw20 大師不是因見本人用日魔產物(事實本人亦痛恨日魔行為)便心有不快,不好見怪)

「今後你們可能會碰到很多很多你們不知道的事。也會碰到很多你們覺得美好的、開心的、不可思議的事物。這時候做為一個人，自然想瞭解更多，學習更多。失去好奇心和求知慾的人，不能稱為人，連猴子都不如。連自己生存的這個世界都不想理解。還能做什麼呢？不論如何學習，只要人活着，就有很多不懂的東西。這個世界上有很多大人好像什麼都懂的樣子，那都是騙人的。進了大學也好，進了好公司也好，如果有活到老學到老的想法，那就有無限的可能性。失去好奇心的那一瞬間，人就死了。讀書不是為了考試，而是為了成為出色的大人。」

還有,就算樂器方面出色,都要去進修該方面的知識,不是是否被淘汰的關係,而是學習多一樣東西,會令自己變得更有深度,更可說服他人,更可令自己更專業。不過對閣下不難嘛!

因此,作為每一位學生(尤其不想讀書的002),或在社會大學中的各看官們,要知道知識是無價之寶,其他人不可搶奪的。世上有太多愚民,因為沒有知識作後盾,因此處處被人利用。

由現在開始,好好求知吧!!

2010-04-07 17:41:27 補充：
樓主不是問如何改善人際關係嘛,是問為何讀好書是重要,嘉敏姐(005那位)............

2010-04-07 22:12:41 補充：
steventtw20 大師,
其實本人只是copy阿久津老師那句唯一最似人話,且有意義的說話。

另,本人是剛從化學high dip畢業出來的黃毛小子,現在在福利機構工作,但本人想向社福界發展/成為社工,假設本人一意孤行,請問有甚麼門路(本人21歲)?

2010-04-08 16:17:40 補充：
1:本人沒任何負債,且無申請任何學生資助辦事處之學生貸款?
2:本人記得很像有一些副學士/cert是社工註冊局承認,可否去讀?

2010-04-10 14:29:09 補充：
steventtw20 大師:
反正我星期一都會回本人舊校詢問啊sir/擇業組之駐校社工有關方面的問題,再不明我一定與閣下作更深入既討論,先謝過,thx!!

☆ ╮Carmen╭☆:
本人對任何宗教是中立的,請不要再給我看

睇來樓主仲係小朋友，問呢個問題絕對正常。不過，聽樓上同為小朋友既兩位網友講野根本無用，你地未見識過呢個社會，當然唔知讀書既重要性。

樓主話你個長笛老師搵好多錢。我想問既係，佢其實搵幾多錢﹖一個月一萬﹖二萬﹖三萬﹖比盡你，就當佢一個月搵五萬蚊好唔好﹖首先搵幾多先算搵“好多錢”極難定義，係你地小朋友眼中一個月搵20,000可能已經好多錢，但相比起各個打工皇帝，呢個只係佢地每一個鐘既人工(即係接近年薪接近4千萬港元，呢個人工係好多大集團高層既正常人工)。呢啲真係“搵好多錢”既人一年交稅超過1億，唔知樓主既長笛老師有無搵咁多﹖我唔係想話樓主既長笛老師搵錢少，事實上我好尊敬呢類藝術老師，因為多得佢地先至可以將優美既藝術傳承下去，我想講既係我上面提到嗰啲人點解一個鐘可以搵到20,000咁多﹖係唔係佢地識變魔術﹖當然唔係！呢啲咁勁既人全部都有某些特點，除左工作出色之外，佢地學歷全部都唔差，至少唔係得小學程度。係幾十年前教育唔普及既年代，無讀書係正常，但係依家教育咁普及既年代，你唔讀書根本就無發展事業既可能。當大部份剛進入社會工作既年輕人都有大專學歷時，得你無，你點同其他人競爭﹖

仲有，樓主真係覺得你既長笛老師“無讀書”﹖我真係替你既長笛老師感到難過，原來佢過去咁多年既長笛訓練係你眼中只係“無讀書”既結果！我地既教育制度最失敗既就係訓練左太多好似樓主呢類思考太多框框既小朋友，我地成日話入學校“讀書”唔係真係剩係叫你攞住本書來“讀”，真正既意義係要各位慒懂既小朋友學習不同既知識，令你地將來可以靠所學處世做人。如果教育既目標係為左教曉年輕人新知識及做人處世既道理，咁廣義既教育就唔係剩止於係學校入面既教育，或只限於香港大部份年輕人於文法學校所受既教育。樓主下次上堂可以問下你既長笛老師，佢點樣學識長笛﹖係無師自通吹吹下就識﹖定係好努力好正式咁跟一位師父或正式入讀一間音樂學院，經幾年苦練及佢既老師悉心指點下先至練成一身好笛藝﹖我幾乎肯定佢既答案一定係後者。如果跟師父學習或入讀音樂學院都唔算“讀書”，咁呢個世界好多人都無讀書，包括李雲迪及郎朗！樓主要記住教育及學習唔剩止樓主依家係普通學校做緊既野，仲包括好多其他形式，只係你年紀仲細，未見識過而已。

除此之外，教育唔剩止令學生將來搵份好工，有一個好前途，另外仲有開啓民智既作用。唔駛講咁複雜，問樓主一個好簡單既問題你就會知道我講乜。樓主識咁多字，識得將呢百幾個方塊符號拼成一篇有意義既文章，令我及其他人睇得明，又係嗰句，你估下係你無師自通睇睇下書就識晒所有既字及點寫一篇通順既文章，還是呢啲係你由幼稚園到依家老師教導及你自己努力學習既成果﹖樓主生於生活富裕既90年代，未知道以前既人無受過教育係幾咁淒涼既事。你有無見過有老人家唔敢出街，剩係因為唔識電梯裡面啲掣上面啲字點解而唔駛操作，跟住出街又唔識睇路牌及巴士號碼牌﹖呢啲公公婆婆多數都係住係呢度幾十年既老香港，但由於完全無受過教育，所以佢地只可以出入熟悉既地方，因為佢地去到新地方根本無法憑自己認路！仲有，無受過教育既人較容易比人呃，呢個就係點解寶藥黨及祈福黨多數向老人家埋手既原因，因為佢地多數無受教育，較容易呃。我以前有個親戚話佢老豆就係因為完唔識英文，甚至連中文字都唔係識好多個，糊里糊塗簽左幾份文件，就將辛苦建立既公司白白比無恥騙徒呃左。無人保證讀得書多一定唔會比人呃，但受過愈多教育，你既分析能力亦愈高，比人呃既機會亦會較低。

最後，教育係為左傳承知識及經驗，令我地既社會不斷發展。如果樓主既長笛老師、佢既師父、師公、太師父、以至所有之前既祖師爺都唔拜師學藝，亦唔開班授徒，個個都剩係無師自通亂吹一通，樓主估下依家你仲有無機會系統地學習吹長笛樂曲﹖若未來樓主係音樂或其他方面有所成就，你會唔會想將自己成功既經驗傳授比下一代，令佢地愈來愈進步﹖多數人都想咁做，但如果人人都鐘意無師自通，咁即係如西方一句出名既諺語所講，每一代人都“重新發明車輪”，咁我地既社會仲有無進步，我地學咁多野來做乜﹖

本人與樓主一樣，都係成長於香港，亦於香港傳統既公營教育體系中做學生多年，讀左咁多年雖然真係好辛苦，但我從無懷疑過讀書既重要性，因為上述我向樓主講既野我好細個已經明白，我亦親眼見過好多無機會受教育或無好好把握機會讀書既人係生命中面對左幾多困難，當中既辛酸令聞者傷心，聽者流淚。雖然讀書係辛苦，但其實年輕人唔多學習裝備自己，仲可以做啲乜呢﹖樓主實在唔應該唸太多，只要你比心機學習，尤其是唔好以為剩係學校上課先至係讀書，而係於生活中既唔同場合都可以學習，咁你好快就會睇會到學習既樂趣及重要性。

2010-04-07 20:55:23 補充：
先回塔爾斯兄。日魔雖然可恨，但有所謂不能因人廢言，日本仔都有正常人，佢地講同做既野總有值得學習既地方。

2010-04-07 21:00:04 補充：
小弟反對既係阿久津老師既教學方法。係小朋友間立威與在班房大搞白色恐怖係兩回事。小朋友見識少，心智未成熟又肯定比成年人好動浮懆，有行為問題好正常。真正要做既係恩威並施，賞罰分明，久而久之小朋友就會識得遷就老師既要求。

2010-04-07 21:00:43 補充：
仲有少少補充，請參考意見部份。

2010-04-07 21:21:14 補充：
再回樓主。我從無話過你一定要跟從主要教育模式讀上去先有前途。正如樓主所講，若你既長笛造藝他朝學有所成，開班授徒以維持生計一啲都無問題。我回應既中心思想只係話任何技藝都係由學習及不斷苦練所得，唔係普通學校唔教既野就唔需要苦練。若樓主想靠長笛一技旁身，無問題，只係你一定要吹得好出色，吸引到夠多學生跟你學先至可以以此為生。

2010-04-07 21:25:25 補充：
只係樓主既想法正如我係正文所講，思想太狹窄。主流學校既教育看似無用，實質上係為左培訓年輕人既基礎能力，令佢地有一個扎實既根基，然後先可以自由選擇將來既道路。香港以至全世界既中、小學都極力反對學生過早分流，大家都希望年青人係中、小學階段先有廣泛既學習，到年紀夠大時先根據佢地自己既興趣及能力自由選擇想讀既科目。

2010-04-07 21:29:18 補充：
要達到以上既理想，前提在學既年輕人要有足夠既基礎知識去應付佢地將來揀選既科目。例如樓主想讀工程，你必須要有良好既數學基礎。想做語文教師，你必須要有良好既語文基礎。如果你依家係學校讀書讀得好，將來基礎知識良好，咁你未來升學時將會有好多選擇。例如數學好可以揀工程、科學、電腦、會計、經濟、金融等科目來進修。語文好可以揀法律、文學、傳理(即係做記者)、翻譯、教育等科目。

2010-04-07 21:38:36 補充：
如果樓主咁細個就唸住剩係去吹長笛，無問題，呢個係你既選擇，只係將來你唔好後悔前路狹窄就可以。坦白講，我最唔鐘意有啲年輕人得十幾歲就做晒本來未來廿年先要做既野，例如無無謂去結婚、生仔，或者讀多一日書都想死，以超光速速度投身呢個咁難撈既世界。呢啲人既哲學好有趣，佢地自己既預期壽命只有40歲，由於預左40歲一定死，所以佢地會勁快做晒以上人地本來係廿幾、甚至係三十幾四十歲先會做既野。

2010-04-07 21:43:48 補充：
小弟既做人態度同呢啲咁悲觀既人唔同，因為我識睇統計數據，知道香港男性平均壽命有接近80歲，所以我一向拒絕為以前或依家尚算年輕既我定型。我讀幼稚園時已經從長輩口中知道世界難撈，所以我從來對早早出來社會工作一啲興趣都無，亦拒絕係十幾歲時就認為自己將來一定要做某一種工作或事情，因為來日方長，不如讀多啲書，見識多啲野先慢慢想定自己既將來都未遲。

2010-04-07 21:52:45 補充：
樓主亦一樣，你咁細個，就算廿年後都只係三十幾歲，有所謂三十而立，三十歲只係一個人剛好可以自立既年齡，可以話人生只係剛好係嗰幾年先算正式開始。既然將來有咁多時間，點解唔比多啲機會自己﹖讀多幾年書，除左吹長笛之外多參加其他唔同種類既課外活動，識多幾個朋友，令自己年輕既日子充滿各種不同精彩既經歷，咁先至不枉少年。要記住青春一去不返，當你年紀漸長，因為健康問題及生活壓力而令你無法好似少年人咁有多姿多彩既生活時，而你又無係年輕時嘗試多啲唔同既野，到時將會後悔莫及。所以，千祈唔好有“未來不如就係咁算數”既想法，永遠記住你有好多不同既可能，一定要做到無悔青春。

2010-04-08 14:34:16 補充：
回塔爾斯兄，樓主讀化學出身，想轉行做社工真係幾難。不過難都唔係無辦法，要睇既係你有無咁既恆心。據我所知，做社工一定要係註冊社工，而要成為註冊社工就一定要有社工相關既大學學歷，所以塔爾斯兄必須要唸下點樣可以升讀社工既學士課程。

2010-04-08 14:36:26 補充：
不過本土大學既社工學位既入學競爭極為激烈，讀本土大學社工系既可能性唔高。我會建議塔爾斯兄先去各社區學院睇下有無相關既學士，甚至係副學士課先，如果有，就算副學士都要讀住先，否則真係入行無門。

2010-04-08 14:40:24 補充：
但我一定要提醒塔爾斯兄，由於你已經有一張high dip係手，我估你為上此已經有唔少既債務，而讀副學士出名貴，到時你好有機會因為再讀一張證書而負上數以十萬計既驚人債務，講真我個人覺得唔值得。因為副學士既認受性仍然不良，讀完之後無法保證你一定可以升讀學士或出來可以做與社工相關既工作，我強烈建議塔爾斯兄係做決定之前徵詢更多意見先至做呢個咁重大既決定。

2010-04-09 14:12:09 補充：
原來塔爾斯兄無負債，真係可喜可賀。如果係咁，正如你所講，我覺得你真係應該認真考慮讀番一個社工註冊局承認既副學士或cert，因為呢個係入行既唯一途徑。當然讀呢個課程都係唔駛借錢讀到最好，但就算要借都值得考慮下。另外，如果塔爾斯兄有興趣作更深入既討論，我建議你係教育政策版另開新題再討論，唔駛下下係意見版討論咁唔方便

2010-04-09 14:15:24 補充：
再為樓主既情況講多兩句。其實你既情況只係典型既唔適應而已，而且你之前根本無朋受過考驗，受少少壓力就退縮，呢啲絕對係懦弱既行為。幾十年來幾乎所有人都受過類似既升學壓力，包括我在內，但最後大家都走過來。當然樓主如果選擇放棄無咩問題，呢啲只係你個人既選擇，只係受少少壓力就放棄，你將來點面對更大既問題﹖

好耐之前我都有咁諗過呢個問題
之後冇幾耐,有個啊sir同我個班講
"其實讀書係冇用的,唔通你第時對住老細講秦始皇有幾勁,對住你條女講(x-1)(x+1)咩.."

讀書重要係普遍東南亞,日本,中國等國家,認為讀書係必需而導致現今出現的填鴨式教育政策

應該咁講喇,古代既話你識武功,有一技之長根本就冇咩問題,讀書都只不過係當時的一條出路,但係時代係咁變,d人就覺得讀書=力量 所以就以讀書勁就係玩晒既道理

以依家的香港黎睇,你唔讀係會死的,不過就只係睇下你夠唔夠勁,可以用其他方法繼續生存,我夠識好多人中三四五就出黎做野,佢地咪又係生存到,只係要怨多,同埋做多。不過最起碼佢地真係有落力

你繼續讀既話,都係死路一條,只係比冇讀冇死得咁快,依家你出親街,周圍既人唔係f7就大學生,一係就碩士博士,見工隨時幾個大學生係到一齊等。但係你如果唔夠lv既話,你又唔夠同人搶ga na.以上咁講,真係讀又死唔讀又死

講下我喇,我自己就係唔讀派黎,都係諗住似你老師咁教下樂器維生,其實都同有文憑唔係差好遠,不過我個職位係自己的技能拎番黎,唔係死讀再同人搶番黎,起碼自己都心安理得

我唔知你幾大喇,不過只係想係到咁講
如果你真係好想賺錢買老婆買樓,乜都風調雨順既,同我去讀個大學番黎
如果你真係咁樣諗香港既話,唔想讀書既話,讀到自己個個位先(etc form6(334)
form5/7)係讀既同時發掘下自己的興趣,你中意長笛既話咪好好練習,一日練3粒鐘既話,我信你重有動力過讀書喇=)

讀書實際唔係能力的証明,只係現今的(香港)人的價值觀,唔洗諗住可以改變到全亞洲的讀書=力量的價值觀

嘛,最後一句,如果你想讀書既話,搵個目標就有動力ga na,唔得就搵個男/女朋友喇,我相信有另一半可以能夠支持到你的/令你成長更多,諗得更遠(不過唔好掛住拍拖唔讀書0.0)

我之前上堂聽個呀sir講,,,

讀書係義務~

因為係政府出錢供我地讀既,,

而每間學校經營既費用(唔知係咪一年)最少都要一千萬- -

話咩讀書係為第時賺錢搵好工只係一個自私既想法

強制教育其中目中係唔想香港四圍都係一d無知識無文化,,,打架劫寫既人

有權利就必有義務wo,,,