死啦點解我覺得....

以前我都諗過呢個問題.
1個人出街個陣經常都會覺得成日有人望住.
不過慢慢就發覺.香港人出街好鍾意望人.
無論你係點樣.著d咩野.都會望下你.特別係d年青人
可能係8掛心態.比人望都係正常既.
如果你唔想出街比人望住既感覺.
我認為同朋友.家人等等..出街.邊行邊談笑.就會無左呢種感覺.
或者你都觀察下其他人.慢慢就會發覺答案..

心理作用姐,你多心啦!

就如妳所講，系妳自己覺得啫

可能真系妳嘅外表吸引啦

不過妳行街點都會望下人啦，人哋都一樣

可能係你多心。
人地未必係望住你既..
如果你下次又覺得有人望住你，扮唔知...

你當冇事...
一係同個fd一齊/傾下計，做d野分散自己既注意力，就算你真係覺得d人仲係望住你，你都唔會咁care

你望人，人望你，係一件好平常、好普通的事!!
人人都總會有好奇心，當你覺得個個人都成日望住你個陣時，甘你又有冇留意到自己都係會望一望番人地呢?!
正常的人，即使係唔識的人，你始終都曾經會甘樣望住人啦!!!
除非個d人望完你之後做咗d突然的表情或動作，唔係既話就放心吧!!佢地唔係有冇咩非分之想，只係你自己多心啦....

望番佢地!!!同佢地鬧望!!!

你係咪有心事呀？
可能塊面有D野
或者你自己覺得自己著得唔好睇先型住型住
覺得個個都望住你姐

係唔係你敏感?
大家都唔知你係咩樣
叫人點答= =
不如你po你張相上來吧

你係唔係太多心先覺得人地望住你啊？
既然冇咩野自己又係個＂正常人＂
那就不用理太多＂世俗既眼光＂啊

我反而覺得妳應該幾靚囉，靚女會望多眼。唔靚既話妳行過走光都唔得閒睇啦！(個人見解啫)

一係你好靚！
一係你好醜！

你靚咯，咁咪天仙下凡咁囉！
女神出巡喎！
人人都爭住望多兩眼！
女人妒忌，男人興奮！

你醜咯，ｄ人咪當見到太空怪物咁囉！
就算覺得咁樣好衰，咪又係好奇望多兩眼！

可能你個樣正正常常既！
咁一定係你打扮問題！
一係太性感，一係太騎呢！

你著少少布，邊個會唔望？
唔睇就蝕啦！

你著到標奇立異，成個ｌａｄｙ　ｇａｇａ咁！
咁突出，就成功吸引人注意啦！

但係你又話自己著得好普通！
咁如果樣都普通，可能你生得太高／太矮！
異於常人，令人不禁駐足觀看！

又唔係？
係幾時既事？係唔係４月１號呀？
可能有人係你背後貼左愚人龜你唔知！
或者你頭頂有雀屎！
你唔記得拉褲鏈等等！
但都係意外，下次唔會架啦！