照左x-ray 驗左尿 抽左血驗
醫生個結果係咁樣:(下面)
抽血結果:身體各項機能都正常
x-ray結果:見到張x-ray 有3粒較明顯既膀胱石
驗尿結果:醫生話係尿液中只驗到血液,驗唔到有結晶體(即係石)
咁我問醫生,有無必需要做手術?醫生話有必須要,因為如果個d唔係石,點解膀胱會出血?咁膀胱入面個d又係咩黎既?(故此我已經比晒錢約左係4月15日做手術)
但睇完獸醫番到屋企,我隻金毛女唔係咁行痾臭臭,唔知係唔係影響到會痾大便時痛,所以全日都唔係咁行飲水.咁我打番獸醫診所話比佢地知,因為我隻金毛女唔行飲水,d大便好硬同痾臭臭時可以痛痛.
診所個邊就叫我將d狗糧加水比佢食,咁佢會飲埋d水落去.
我試過呢個做法係得既,但係我隻金毛女排出黎既尿竟然係透明狀(即係好似清水咁)..咁我即刻嘗試將d狗糧唔加水,比我隻金毛女食,再餵水比佢飲,佢d尿液又有番d黃色.
我想問大家幾個問題:
1)咁我隻金毛女係唔係真係有膀胱結石呢?
2)我隻金毛女既痾番d無顏色既尿液,同我用水加落去狗糧比佢食有無關呢?
3)我隻金毛女以加都重行食,精神ok,行玩,咁我想問咁樣既情況,我隻金毛女會唔會有慢性或急性腎衰竭呢??(我同我隻金毛女驗埋個腎功能,醫生話正常.但我驚唔知係唔係個腎有問題先痾無顏色既尿液.)
希望各位大大幚幚我!無言感激!
我想講佢未有痾血尿前,佢一日飲成3公升水,就係唔知咩原因令佢痾血尿... 而且我隻金毛女係用一個可裝3公升水既水樽飲水. 至於佢既狗糧係獸醫診所到訂既減肥處方糧. and 我咁多年數埋手指比佢食既零食次數,都唔知有無20次.. 而我點解擔心我隻金毛女痾無顏色既尿,會係可能有慢或急性腎衰竭,原因係因為我上網睇左d關於同腎衰竭有關既資料.見到腎衰竭痾既尿都係清清如水咁,所以我憂心... 咁照你咁講(正常的尿是像[香賓色],是淺色至幾乎看不到黃色.),咁即係我隻金毛女所排出黎既尿液係正常無問題啦?對嗎?
我隻金毛女先前都有食過美國雜誌認可10大天然狗糧,但係最大問題係,越食體重就越增加...其實我個人覺得我隻金毛女既體重唔算好重,不過我帶我隻金毛女睇過唔少獸醫,(因為先前整到眼睛去睇專科,和懷疑佢生腫瘤去睇專科,幾個醫生都話佢過肥我先幚佢減.)好多醫生都話佢肥得制.我隻金毛女當時接近90磅!但身體一樣健康正常! 而另外,點解我問照左x-ray見到有結石,係唔係真係有結石呢個問題?! 係因為後期個獸醫幚我隻金毛女化驗d尿液時,(當時成樽尿液都係血黑媽媽咁) 佢話化驗唔到尿液當中有結晶體(即係個d石),只係化驗到尿液樣本當中充滿左血 咁我問番個獸醫即係點呀?
佢話如果真係有結石,應該係尿液當中可以驗到有結晶體. 咁我問醫生,但係x-ray照到膀胱有石既形喎! 但係醫生到以加都唔敢百份之一百行定,x-ray見到個d一定係結石. 主要原因係因為尿液樣本化驗唔到有結晶體. 所以我先問醫生咁重有無需要手術?醫生就答有必需要,因為要知道點解膀胱出血and 如果膀胱個d唔係結石,咁夠竟係咩黎既? 其實有無可能隻動物食左d硬物跌左落膀胱令佢不能排出而痾血呢? (因為我隻金毛女試過襯我地半夜訓左覺,偷偷走出去個廳到食廁紙,後來又排番晒d廁紙出黎.) 我真係好擔心..因為問左好多人但都無人能夠行定咁答覆我...
兩位,其實係我隻金毛女未睇醫生前我都有自己同隻金毛女做過檢查,我自己估計都係膀胱石.而另外除左3粒較明顯既石影之外,我無講既係膀胱裡面重有d碎石..圍數都唔少..(所以我點解會質疑個驗尿結果就係咁既原因...) 本來醫生好行定,但個尿液化驗結果一出..我都比醫生吹脹.. 不過,無論點都好,知道左唔會係係呢個時候腎有問題我都安心少少...多謝晒兩位!
而另外,我想問兩位,因為醫生話做完個手術要配番一d預防結石既狗糧,我想問除左個兩隻Royal Cxxxx /Hixx 之外,重有無其他比狗狗食既預防結石糧呢? 我只係知道方間有天然糧,唔知道有無預防結石既天然糧? 另外,請教兩位,可以做d咩黎預防狗狗再番發結石呢?(因為醫生話同我隻金毛女做埋手術先話我知...無耐中! =.=!)
我睇晒兩位留比我既說話同line 我隻狗未轉減肥糧前係食"Canidax"年長糧 如果照你地咁講,可唔可以做完手術後就比番原先呢隻糧佢食呢? 因為未有事之前我都問過醫生,話都減到33公斤 可以轉食其他糧未? 但個醫生話可以再減d潻先無轉番之前隻糧... 如果可以做完手術食番舊有呢隻糧既話,咁我就訂定先! 因為其實我自己都覺得,我隻金毛女咁多年都無大病, (除左有幾次佢襯我地留意唔到係街食人地掉落地既麵包,骨頭之外)係轉左d糧先出事.. 但醫生又話要做完手術後食番d處方預防結石糧..我都唔知應該點同個醫 生講我唔想我隻金毛女再食個d咩鬼處方糧..因為我阿媽都話,好地地轉咩糧...
