小弟想自學電子琴,有野想問

我都係出廿多歲先學電子琴，學咗兩年，喺屋企樓下D细琴行上堂。初期會教你D簡單指法、基本姿勢、音感、節奏感。我覺得好玩過鋼琴，因電子琴可彈出多種樂器，加上自動伴奏，而你又能彈出自已心愛歌曲，會好開心架！電子琴與其他樂器相比的確算是容易上手。

初期係朋友比個舊電子琴〔用過15年〕我玩，我係不懂看五線譜，係由零開始學，每星期學一堂，老師每堂都會教一首新歌，下次上堂要彈返比佢聽。如果能每天固定時間去練琴一定會彈倒，而且進步好快，可彈流行曲。

部舊琴我用咗半年才去通利買新琴，一般2千幾元都有，我太喜歡彈電子琴所以買咗部1萬8千 yamaha eletone stgae elb -01 勁多功能、勁好玩。

你初期可買二手，可上拍買網看看，最好買yamaha牌子。到你真係有興趣繼續學先買部新。通利有琴書賣數十元一本。

如果你係完全冇接觸過音樂，最好去琴行學，進步快D。自學係好難彈得好，特別係拍子，而且彈錯自已又唔知，成世都冇進步，想彈流行曲都難囉！

其實自學就會有小小困難..我都有學琴!呢d野冇人教係會有D難.琴行多數都唔會有二手琴賣!如果係一個綱琴最少都要1萬以上.我屋企哥個綱琴就要18000$..如果係初學最好買D練手指嘅..我勸你唔好咁快就彈D好難嘅歌..一步步黎唔好急!