巴黎行程安排

*我最近自由行去完巴黎，唔係agent/sales，以下資料屬行程分享*

巴黎主要景點大概都係咁，你個plan無大問題．只係有少少建議．．．


如果你喜歡，第一日時間好似比較充裕，如果想行程緊湊d，或者可以考慮下去聖心堂 Basilique du Sacre Coeur．響山上一座白色教堂，雖然唔係話好高，但已經足以居高臨下，睇哂全巴黎景色．除左來回車錢同時間，呢坐教堂免費參觀，所以唔使額外費用．


鐵塔：


上鐵塔之前最好網上訂左飛先，揀定上塔既時間，去到一攞飛就得，否則要排隊買飛排好耐； 你想黃昏上去係咪想睇日+夜景？咁你要留意6月既時候巴黎幾點天黑，如果冬天可能三四點就天黑，所以你要知道6月幾點天黑，從而訂上塔既時間； 鐵塔有3層，最低果兩層仲可以選擇行樓梯定搭電梯．雖然行樓梯平少少，但都唔好行喇，揀搭電梯啦； 鐵塔夜晚每逢正點，i.e. 8pm, 9pm，鐵塔會有音樂+七彩燈光效果，不過響塔底先聽到音樂 因為鐵塔十一二點先關，但舖頭就應該八九點就關；除非你好堅持要上去睇日頭景色，否則的話去哂其他景點，等d景點／舖頭關門，先上塔，咁樣時間會見用d．

凡爾賽宮／羅浮宮：


凡逢星期一凡爾賽宮休館，星期二羅浮宮休館； 羅浮宮每個月第一個星期日免費，凡爾賽宮都好似係，你check下．如果無記錯，凡爾賽宮入場飛好似要EUR13，如果免費，建議你同一日去埋，雖然可能行到有點累，但巴黎乜都貴，慳得一蚊得一蚊嘛．另外，聖母院教堂本身入場免費，只係入隔離鐘樓要入場費（鐘樓駝俠背景地方），好似話第一個星期日都免費．你都check check． 羅浮宮可能要排長龍，請預留時間．我自己就無乜藝術細胞，唔係好識欣賞，所以覺得如果時間唔係好充裕，一入到去睇完蒙羅麗莎就可以走人，寧願預留多d時間行街／shopping． 凡爾賽宮比較遠，要搭45mins metro先到，metro map黎睇，響巴黎市中心既左下方．所以去凡爾賽宮果日最好早d起身，因為果度好大好多野睇，就算你本身唔係好有藝術，都可以行到至少半日
交通／Pass：


你去3日，應該無乜pass需要； 本來可以買T-ticket，一疊10張EUR 10.6，比買單程飛平d，用黎響巴黎搭metro／巴士．但如果你一個人出入，逗留時間又唔長，T-ticket唔係好適合你（除非你約埋其他同學仔）； 睇返你個行程，出入搭Metro就得（凡爾賽宮比較遠，要另外買飛）； 里昂來回巴黎果轉，記得事前買定TGV飛，一次過訂來回會平過分別訂兩張單程，呢個上TGV網就得住宿：
一個人，尤其如果係女仔的話，安全真係好緊要！雖然6月唔係旺季，但住宿都係訂定先好d，免得到時周圍揾．

試過有朋友最近住18區既IBIS（近聖心堂Basilique du Sacre Coeur果間），酒店職員手腳唔乾淨，偷哂佢地 d行李，我朋友投訴又不受理，最後鬧到去警局，d職員先拎返d行李出黎，然後解釋話係因為除蟲，所以將佢地d行李搬左去第二間房．如果真係因為除蟲，點解一早唔通知我朋友d行李響邊，而係搞完一輪，報警之後先話係搬左去第度呢．所以…你要小心！

Paris其實有分1-20區，一般黎講, 數字最大就越遠離市中心，雖然係越遠越平，但就越危險，連本地人出入都要十萬個小心！No offence，但呢d區比較多黑人居住，有朋友試過比人打劫/偷野．而你去住3晚，假設你都係去出名既旅遊景點，一般著名既景點而主要都係District 1，河既兩岸，一來治安好d，而來出入車錢／時間都響返度.

雖然hostel係平，但個人認為唔太安全，都係prefer有自己一間房．呢幾間我／朋友住過，覺得唔錯，推介比你．相比巴黎乜都貴，我之前格過價，考慮埋交通／地區／治安等因素，呢幾間唔算貴．但如果你想再平d，而又唔介意，share bathroom會係最平！

Residence La Condord http://www.hotel-paris-concorde.com/
Concord協和廣場站，過兩個街口，當時我住Room 42，響4樓，房好大，樓底高，但WiFi訊號比較弱．樓下有Chanel，街尾就係St. Honore名店街，行去Lafayette大約10-15mins．

Victoria Chatelet http://www.hovicha.com/
近Chatelet站，有幾條metro，去邊都方便，房比較細，但乾淨，整齊．行到去Louvre羅浮宮／Notre Dame聖母院

Hotel Rivoli http://www.hotel-paris-florrivoli.com/hotel-flor-rivolli-english/rates.html

For your reference
Hostel: www.hostelworld.com
Hotel: www.booking.com

其實你的行程應該是冇問題呀! 不過, 凡爾賽宮需要一天或兩天時間去參觀, 這個地方十分廣大的,同樣去羅浮宮是有休息日, 不可參觀的, 不太記得何時休息, 一樣需要一天或兩天參觀, 所以你的行程需要考慮多一些.

住宿你可以住"IBIS", 可以在網上預定的. www.ibishotel.com

如果你乘搭TGV往其他地方, 必須預約www.travelex.com.hk, 還有買車票時, 請注明your age, becase below the age 26, must be discount.