收集懷孕資料, 做足準備.

1: 請問何時可以檢查是否懷孕? 2周, 4周?

在遲左黎M之後一至兩星期，買支驗孕捧CHECK下，除非成日CHECK住驚中招，如果平常心遲左M之後CHECK都應該6﹣7周喇

2: 請問如真的懷孕了, 第一時間要做什麼?
是否到婦科診所驗小便, 如醫生證實是懷孕, 會寫懷孕證明紙, 之後去醫院排期?

驗孕捧CHECK左中招，就去普通家庭醫生驗孕，（唔使去婦科診所架）佢會比張驗孕証明比你，跟住去屋企附近健康院排期，健康院會同你BOOK埋佢關聯醫院床位喇

詳情：
http://www.fhs.gov.hk/tc_chi/centre_det/maternal/maternal.html



3: 請問何時可以到醫院排期?

有張驗孕証明就可以

4: 請問那間政府醫院生BB好的? 因為擔心護士態度差及到生的時候, 才送入產房?
聽說, 廣華醫院比較好點, 那我住沙田可以登記嗎?

無話邊間政府醫院好， 係睇你好唔好彩，因每間醫院都有好人同惡人，第一胎順產48小時會出院，又唔使同佢地過人世，佢地惡咪當佢地唱歌囉
你都可以揀廣華生，但要有住果邊D住址証明帶去登記，同埋產檢都要去廣華做，仲有後期個肚鑼咁大，都要搭車出去做產檢 (後期1-2個星期一次) 好辛苦架

5: 何時知道醫院排期成功?

健康院收得你做產檢，都已經CONFIRM有床位喇，係香港人都基本上一定有位

6: 那醫院排期成功後, 其間懷孕要做什麼?
產前檢查, 如何安排? 到醫院做或是健康院做? 是醫生安排嗎?

跟番指示日子做產檢，有一次照超聲波會在醫院做，其他會在健康院做，
除非TOUCHWOOD有D咩特別野要去醫院做

7: 除了產前檢查要做, 還有其他事項安排嗎?
8: 何時檢查唐氏綜合症?

你可去私家婦產科診所做
11-12週﹣ 唐氏綜合症測試--度頸皮 & 抽血
18-20週做結構性超聲波, 睇BB心, 肝, 腎, 手指, 腳指齊唔齊, &有無兔唇
28週照4D, 呢個唔係必須, 只係好奇想睇下BB, 唔做都得

9: 懷孕其間, 要注意飲食, 還有其他事要注意嗎?

唔好太粗勞，盡量多D休息，食多D營養食物，保持心境愉快

10: 懷孕其間可以做運動, 可以做什麼? 做多久?

我自己就做下家務，洗下碗，掃地，拖地，（總之唔好爬高，但都要視乎番你自己體質，有D要成日訓床架）
運動就行下平路，郁下對手，到臨生就行下樓梯

11: 請問自然分勉好, 或是開刀好?
很怕痛, 如開刀是否對身體不好, 因為打麻醉藥. 還有其他因素嗎?
自然分娩當然係最好
﹣可增加嬰兒肺部的功能
﹣嬰兒可產生腦內因，增加適應力
﹣母親立刻與嬰兒接觸，增加親子關係
﹣產後恢復較快

﹣開刀康復時間比自然分娩時間長, 之後開刀傷口好痛
﹣而且開刀有限,不是生多少個都可以的，最多3個
﹣開刀引起大出血
﹣麻醉危險
﹣血栓造成生命危險
﹣傷口感染化膿


12: 生產時, 何時進醫院準備？

見紅，穿水，有規律陣痛時

13: 生產完後, 何時可以有性行為?

最好做埋個產後檢查先，等醫生睇過傷口OK先，大約會在生完6星期安排做

我生過兩個bb,以下係我個人經驗:
1.到你懷疑自己有bb時,例如月經遲左,用驗孕棒驗到有
2.如果你真係懷孕,例如月經遲左成個月,用驗孕棒又驗到有,你可以去睇政府或私家醫生,睇政府係普通街症個隻,唔係去急症室,話俾醫生聽,可能有左bb,醫生會叫你驗小便,驗到有就會寫張懷孕證明紙俾你,之後拎埋張紙去母嬰健康院做新症
3.母嬰健康院會一直幫你做檢查,問你諗住去邊間醫院生,幫你排期
4.我住元朗,唔清楚,不過你可以問母嬰健康院
5.母嬰健康院會話你知
6.產前檢查最初幾個月係母嬰健康院做,普通幫你檢查下有冇血糖高,簡單既,到後幾個月,會通知你去醫院照超聲波,同你傾下生個陣點凖備
7,8,9,全部母嬰健康院會話你知
10.懷孕其間,最好平時做開乜就照做,唔好咁劇烈就得啦,家務,散步,最重要係行多D,切記唔好以為有左乜都唔做,做運動,生個陣真係無咁痛
11.如果你問我,一定係自然分勉好,除非你有錢用無痛分勉,如果唔係開刀生完個傷口仲痛過自己生個陣,開刀個傷口生完出院個陣仲要去母嬰健康院拆返線家,有排痛,而且開刀係慢過自然分勉復原的
12.醫生會話俾你知,幾時預產期,你一定要記住自己最後黎月經嘅日期,咁你嘅預產期就會準D
13.自然分勉嘅話等你陰道傷口癒口便可,自已會睇到的,就好似普通缝針咁,如果大大條缝針仲見到做性行為,一定痛死人,同埋自己覺痛就唔好勉強,大約個半月,建議你做埋產後既覆診檢查,醫生會幫你檢査傷口嘅癒口程況