急! 請問留有刑事案底, 還可以到歐洲旅遊嗎?

放心啦，正如001講你唔講比人知係冇人知架。除非你係大罪犯啦，咁就一定唔得。
不過若果你要去外國讀書或者移民就有問題啦﹗因為每個國家都要申請人持有良民証才會批準入境讀書/居留。唔係話有案底一定唔得既，只係麻煩點囉。當然你家庭富裕就容易辦事。(有一些富豪犯有型事案咪一樣可以申請移民。所以話有錢駛得鬼推磨。)除了你被懷疑/黑社會底咁咪冇得傾囉。好似周星馳就已經係例子。(聽說佢以前跟乜乜黑社會家族有關連，所以申請移民去加拿大被拒，之後再申請到新加坡但又係被拒…。)
當然持有特區護照亦未必代表入境冇問題，因為可能有點國家的海關人員睇你唔順眼又或者太得閒咪會對你諸多留難。不停發問你問題亦說不定？尤其是英國入境就係人都知比其他歐洲國家麻煩。事實上過去亦曾有人被拒入境跟住原機遣返。若果你怕麻煩而且英文又唔係太好，咁最好跟團去玩。因為有咩事都有領隊幫手。還有跟團通常係最尾果站先入英國，就係怕左佢地點麻煩海關。即使有團友被拒入境起碼果位團友都冇咁蝕，只係冇得去英國冇咁大捐失嘛。(通常只停留兩日一夜，除了入境麻煩外，英國暫時嚟講都係歐洲中較富庶既國家。所以酒店費都係較昂貴。)
若你自由行既話入境確實較麻煩，但你唔駛驚。基本上問來問去都係果點野，好似你來這裡做乜？你咪照答旅行囉。你逗留幾多天？你咪話返原定既時間囉。你有冇家人或親戚係呢度？你咪話冇。你帶左幾多錢嚟？你唔好答佢太少亦唔好太多，因為太少佢會認為你冇足夠錢逗留可能會做非法事。太多既話又驚你會跟一些黑社會份子做壞事…。若果你唔識答既話，都唔駛驚青。最梗要鎮定，佢應該會比張印有中文字既單張給你答架…再唔係你咪照用廣東話講。佢冇你乎就唯有揾翻譯。(由於中國既地位已經不同往日，所以英國機場已經印有中文問話單張為中國人設。亦有一些懂廣東話既航空地勤協助。)
另外，萬一被當地入境處在你的Passport上寫左野既話…就麻煩。因為佢地應該唔係咁滿意你既對答或其他問題，所以造上記號。你日後再去就應該唔得。但你可以換個另一個護照咁就冇問題。

咁留有外國案底呢

有案底只是香港有記錄, 你過關時, 你唔講, 係無人知既.


特區護照去歐洲大部份都免簽證, 咁代唔代表就無問題?
就算你無案底亦有機會會被拒入境.