✔ 最佳答案
我住九龍,帶過我隻金毛去南y島四五次去游水....
你去中環4號碼頭搭榕樹灣船,要搭慢船大約九個字 (快船半個鐘)...即係通常都有一層係無冷氣既,大約一至一個半鐘一班...船期表,自己上網search吓啦...梗係睇official web page穩陣d
狗隻上船果刻,要帶口罩否則可能唔準上船 (循例啫),我試過一次見到另外有pair人無同狗仔帶所以唔俾上船,於是我帶咗我隻狗上船後再除個口罩借俾佢地,都過到骨!!! 上咗船後要坐無冷氣果d地方. 船錢同人一樣, 好似$10-$14... 你上到船都有機會見到其他人拖住狗仔,呢件事係好平常既
不過上船既地方係正常人位旁邊果度 (好難型容,去到問船公司職員),到時你會同狗仔响果度一齊上船.
去到南y島有個地方叫 "大灣肚",係去鴻聖爺灣同一條路,但去到阿婆豆花果度有個分差口,就行另一條路...有路牌指示,不過你最好搵咗地图先,又係自己上網睇吓啦... 呢度好多居民(鬼佬)帶狗去游水,不過我就覺得唔太乾淨,d沙超粗多垃圾而且又無水沖涼 (除非你有租渡假屋)
or我會建議你去石澳後灘 (無救生員既),亦即係拍喜劇之王果度...雖然有signage話唔準狗入...但我去咁多次都無俾人話過 (每年起碼去一次),而且都係有好多人帶狗去玩