由荃灣西鐵站點去city walk 2

1)你坐地鐵係A1出口，行去南豐中心下面巴士站轉238M，坐2個站落車，係楊屋道街市站落車，你落車行過對面就係荃新天地2，車程大約3-5分鐘。
2)係B2出口出，出左之後直行左手面落天橋，落到去你會見到OK再直行少少見到報紙檔，轉入去再見到涼茶舖，跟住一條直路行，第一個燈位係街市，再直行，第二個燈位係英皇娛樂廣場，再直行到尾第3個燈口，過埋對面馬路就係荃新天地2，行過去大約15-20分鐘左右，睇你快行定慢行。
3)你可以係黃大仙警員宿舍附近坐紅VAN出荃灣，係總站落車，位置係荃灣街市街，咁即係第一個燈位位置，之後就跟上面咁行，行大約10分鐘左右。

荃灣西站落車C3出口出去
沿天橋靠右行
之後應該會見到一個停車場繳費處
見到就轉右行入去如心廣場
如心廣場內跟指示牌就去到荃新天地2期

全程約需10-15分鐘

黃大仙->荃灣西：八達通$7.5
黃大仙->荃灣：八達通$8.0