佢係因為錢同我一齊??我係唔係太蠢?

佢係唔係因為錢所以一直忍我...就我???
Ans: 係, 其實都幾明顯. 當你已經無錢或不肯再借錢給他揮霍或賭博時, 你已經無哂利用價值, 咁對佢嚟講, 你係一個負累, 你阻住佢去搵新獵物.

佢而家係唔係唔鐘意我...??
Ans: 而家就肯定係, 不過佢有無鍾意過你, 我都好懷疑, 好大可能一開始追你就係已經想你俾錢佢駛同埋上床.

我係唔係唔應該同佢一齊???
Ans: 絕對係, 長痛不如短痛, 同埋佢爭你既錢, 佢還就當係bonus, 當買個教訓, 以後帶眼識人, 同埋唔好咁容易就開始同人拍拖. 經一事, 長一智, 我相信你以後處事會更成熟.

點解我幫左佢咁多佢要咁對我...??
Ans: 好簡單, 因為佢無鍾意過你, 一開始佢就係已經諗住係要呃你既錢, 你幫佢咁多, 根本就係佢計劃之中, 咁佢而家目的已達, 就梗係要俾真面目你睇啦, 唔係佢又點可以同你分手呢!

其實你心裡已有答案, 不過你唔想去面對呢個殘酷既真相, 你唔甘心, 你覺得自己付出過, 但換來的是欺騙, 於是自欺欺人, 不斷找籍口安慰自己.

你也不用愁苦的, 你這段經歷, 就是為成就下一段美好情誼的試煉, 每個人也是從失敗中學習, 從經歷中成長的, 你也不用嬲怒他, 因為他也必得到報應的, 一個不腳踏實地生活的人, 又怎會有好收場的呢.

所以, 好好回家洗個澡, 早點睡覺, 明早醒來好好計劃一下自己的前路, 找工作, 報讀一些自己有興建的課程, 多跟家人, 朋友相聚傾吐, 甚至可以做做義工, 幫幫人, 默默等待真命天子的來臨, 你會發現生命原來是很美好的.

大家一同努力吧!

好明顯係因為你d錢啦,e d男人早飛早著啦,賤到咁,我睇佢多數都唔會還嫁啦,不過都可以試下叫佢還既,真係冇既未當買個教訓,下次唔好咁傻啦!!我諗你最好盡快同佢分手,費時佢再利用你,or做其他野,希望你可以快d搵到個真心愛你既人啦!!

hi,首先,你要知道,佢一開頭氹你,點解依加要你氹番轉頭,係因為佢經濟上有困難,唔可以講,又唔知點樣解決,佢又見到你心軟,有錢,易厄呢D等等嘅野而鐘意你一句講哂:昆你,佢到後期,能夠對你講D咁嘅野都足以顯示佢係冇咩人性嘅,唔好同佢來往喇,你愈遲停呢種關係,只會繼續心軟,繼續咁借錢俾佢,正所謂'長痛不如短痛'面對現實吧喇.......

首先你唔洗擔心還錢問題吧 佢係呃你既 你分唔分手都係無得還

你唯有期望佢搵返工 生性做人

你幫下佢 介紹d工 正面d諗 睇下改唔改到

無就分手算吧

或者你覺得 都ok既 比錢養佢都唔係大問題

佢都無幾多個十年 佢要再去呃其它女人都唔易吧

你係鍾意佢 可以等佢浪子回頭既 佢戒左賭未

未就分得啦 唔洗諗

佢真係為$而同你一齊~

你試下同佢講你冇$~

睇下佢會點lo~

佢一定即刻走, 唔理你~

你唔信ge話, 同佢講: 我d錢已經比你fing曬, 你幾時還?

之後次次噤打比佢, 叫佢還$, 睇下佢仲會唔會聽你call?

點解我幫左佢咁多佢要咁對我...??

你已經冇利用價值..........或者係知你對佢動咗心, 會為佢做任何嘢~

當局者迷, 旁觀者清, 尼個係真ge, 聽下你朋友講ge嘢~

(佢之前同我講鐘意一個人可以為佢改.....)

江山易改, 本性難移~


食煙賭錢ge女仔, 十個有十個都係壞~

食煙ge女仔唔一定壞~

賭錢ge女仔亦唔一定壞~

但打孖來ge女仔就一定壞~

我唔知你借出$$多唔多, 但我想講$$係一定攞唔番, 所以唔好再搵佢~

你係男仔, 有手有腳, 尼筆錢就當買教訓啦~

唔好再亂諗(睇你d文字就知你不停諗尼個問題), 快d重新定立目標, 搵一個真心對你好ge女仔好過~

我想他正在利用妳,搵到妳嘅弱點-知妳心軟,我想現時氹著妳先-到毫無利用價値時便會飛妳,妳應該决斷啲同佢分手,唔應該再同佢一齊,佢.......祇係為錢而同妳一齊,如果真係愛妳又點會咁對妳,換著係我就會對妳呵護備至,愛護有加,又點會對妳發脾氣、嗌交,我一定會鍚到妳燶啦!!!