CALIFORNIA退會問題

我上星期六響旺角間CALIFORNIA門口收到抽獎卡
刮到有禮物收，點知個女職員一味要我入佢會
原本話考慮下玩唔玩(同屋企人商量下)
但佢完全唔俾我考慮，就要我俾$(先俾1405入會費)
跟住佢同我講左個計劃，$20XXX
我都話過要考慮下(同屋企人商量下)
都唔俾我考慮
仲表示無論如何都一定要我俾晒佢(係苦苦哀求下)
咁就簽左7年約(係被迫咁做)，咁就一次過俾左$20XXX
之後打算自己用佢的設施喇
點知第個教練都要我俾多$10000教練費
話我避免因為用佢的器械而受傷
果日咁就用左$30XXX(本人積蓄就咁蒸發左>50%)
之後隨即感到極之後悔

琴日上過1堂教練堂(響旺角)
個教練話我體會唔好，一味死求要我俾$1XK-20K的教練費
佢表示唔俾唔得，無論如何我一定要俾(否則唔俾我用佢的設施)
後來減到10K，都唔願意，但教練都係死求(好在我無俾過$)
之後由今日開始決定唔再上佢堂
(再上佢堂即係又俾機會佢搶我的$)

我屋企人打算向消委會投訴
如果投訴上消委會，會唔會唔接納我的投訴？
另外我想問，可唔可以退出CALIFORNIA FITNESS？