如物業買賣收樓時發現少了冷氣機,電視機,怎辦???20點!!

1. 收樓時發現冇咗合約寫明包埋的東西, 新業主要從民事途逕向舊業主追討. 注意在追討前不要私下 “先斬後奏”買咗新的, 然後先向舊業主追番買嘢嘅錢.
2. 偷竊罪並非 “絕對責任”罪行. 要入罪, 就要証明某人有意圖犯罪, 及有實際行動. D嘢唔見哂, 而只有舊業主有鎖匙, 間屋無被爆格, 咁就可infer係舊業主攞咗. 但算唔算偷竊, 要睇舊業主在攞D嘢嘅時候有無意圖將屬於新業主嘅嘢私下攞走. 咁就要睇吓係幾時發現唔見嘅. 如果驗樓時d嘢重喺度, 但交吉時唔見哂, 好明顯舊業主有意思攞. 如果佢驗樓前一早已拆走d嘢, 有可能舊業主真係唔記得咗包埋俾新業主, 唔係不誠實, 咁就未必係偷竊.
香港法例第210章<盜竊罪條例>第2條 –
如任何人不誠實地挪佔屬於另一人的財產, 意圖永久地剝奪該另一人的財產, 即屬犯盜竊罪.
3. 小弟愚見, 處理此事不必一早報警. 可先向舊業主口頭追討. 如果明知d嘢屬新業主, 舊業主仍佢唔肯歸還, 就即係 “意圖永久地剝奪該另一人的財產”, 咁就同佢講佢巳犯偷竊罪, 新業主會報警. 照常理舊業主會拿拿淋歸還D嘢.

可能係溝通問題, 問清楚先, 其實依D支出, 起碼2倍; 3倍入咗你數, 應該唔會- 要貨唔要錢.

吓....個經紀無安排你驗樓咩???一般係成交前一日至兩日會同新買上單位驗樓,睇下有冇你所講既情況或者間屋有好大問題架喎.....

但係如果你已經收咗樓一係向經紀問清楚.....佢有能會收返你少啲佣去攪掂件事,如果唔係最壞打算就要從民事途徑追討返上手業主

　臨時合約中若有寫明物業有甚麼家電，舊業主有責任原封不動地保留予新業主，否則業主可以循法律訴訟，或小額錢債索償。
　你可以向警方求助，因為這涉及貨不對辦，原業主有詐騙的嫌疑。倘若你是找地產代理買屋，應該找有關經紀及代理跟進。

咁你仲快快揾地產代理問佢，叫佢聯絡舊業主攪掂，你同舊業主比咁多佣金佢，緊係要嚟協調啦，唔係要佢嚟做咩，查實去到報警已很大件事，因為臨約寫明包埋，所以舊業主唔應該攞走，你仲有大訂未比卦，如果佢唔擺番低，可以扣錢了事．