急!!護士學校一問....(唔該大家幫幫我啊!!)

1. 當然係升中六啦, 完成會考而合資格既人, 只可以報讀登記護士課程. 而所有註冊護士課程既最低收生要求都係一科高級補充程度合格.

2. 基本上只有IVE有類近課程係岩十八歲以下而想入行既人讀, 因為所有登記護士課程都要年滿十八歲先可以讀.

3. 醫管局登記護士課程通常係七月會截止, 而其他私家醫院既收生時間係唔同既, 要視乎個別醫院既情況. 不過呢, 唔夠十八歲都係唔合資格報, 所以都係俾你參考下.

4. IVE既中五程度課程, 只不過係類近同埋同醫療相關課程, 政府當然會認受, 不過並唔等於係護理課程. IVE真正係護理既課程都係中七程度先讀得.

5. 絕對應該要報定其他野, 如果你係預左升中六就睇下讀邊間,會唔會原校升啦. 如果唔想升中六既話, 都可以揀d同醫護界有關既課程報住先, 好似IVE既有關課程, 或者健康服務助理既課程.

6. 係. 詳細既入讀要求可以去護士管理局既網頁睇.
http://www.nchk.org.hk/en/home/index.html

7. 你指報咩先? IVE係可以放榜當日去指定既center報ga.


點樣先可以做護士:
1. 中五成績唔好既可以揀其他野讀住先, 讀一年夠十八歲就去報登記護士課程(醫管局/ 私家醫院)
2. 中五成績好當然就升中六啦, 讀完中七一定夠歲數, 仲可以有多d唔同既護士課程可以俾你揀黎讀(大學/醫管局/ IVE)
3. 家境好既話可以去外國讀, 讀完返黎係護士管理局考番個牌就可以係香港做得護士啦.

登記護士同註冊護士既分別:
1. 登記護士做近病人身既護理比較多, 讀書既時候實習都俾較多.
2. 登記護士係派某一d藥既時候係需要under 註冊護士既監督.
3. 有一部分既登記護士會傾向去老人院舍做, 註冊護士就少d.
4. 登記護士晉升只可以升一級做"Practice Nurse" (唔好意思, 唔知中文係咩), 而註冊護士晉升既級別比較多, 依家晉升為護士長(新名叫資深護師)既最低要求已經係有學士學位先有得升, 有碩士更好.
5. 註冊護士依家最低既學歷都已經係高級文憑, 登記護士課程好多時都只係文憑甚至係"培訓課程".

如
果你問我, 梗係讀完中七去讀好d啦...起碼高級文憑係可以接駁一年full time or 兩年 part-time 就可以有degree.
讀登記既話, 讀完要再讀3年高級文憑先有得做註冊, 又要再讀先有學士學位. 而且政府大勢都係學位化護士課程, 有能力既話梗係讀註冊抵d啦.

據我所知,其實機會都真係幾細
個人認為如果真係你既夢想,不妨一試

其實我都識d人讀緊同做護士,不如你add我msn,我幫你問下再同你傾啦
[email protected]

第一...我唔知你係邊間護士學校...
不過...你可以讀完之後經NON-JUPAS報讀呢個NURSING既大學課程...
咁唔係仲好咩???
我相信你有心1機既話..一1定會讀得好好既~