兼職保險經紀

Hi, 見到你的情況, 本人也感到可惜,
以下簡單回答, 希望可以幫到你.


( 我想問，就算係兼職保險經紀都應該要有牌架嘛？？？)

答 : 兼職保險經紀都一定要有牌.


( 希望有專業人士可以幫下我，我真係好迷網呀~~~~~~~~~~~~~~~~~~~~~~~~~~~~~ )

答 : 其實也不用迷網, 因為你買保險是你和保險公司之間的合約.
你Agent走左, 也不會改變任何保單條款.
除了Agent , Customer Service 也可以幫到你. 他們也可以用電腦查到你保單的資料.


我也可以以過來人的身份去協助你, 可聯絡 [email protected]

你好！其實唔駛迷網喎，雖說買保險，Agent 都係一個考慮因素之一，但Agent 走了，唔代表你既保單會變，所以都唔駛太擔心。

你收到個封信上面所講個個新經紀就係佢上司，以後所有保單都會係呢個新經紀跟，但我唔明白既係點解仲要填一份授權書? 我唔知道係咪每間保險公司既policy唔同啦，只係覺得其怪~ 簡單嚟講你跟開既agent當佢已經離職(雖然佢話轉咗part time)，佢既客戶公司會安排俾佢既上司follow。建議你可致電到customer services hotline 問一問，先再簽，起碼知個清楚。

相信你既Agent 講佢依然會跟你份單，是會擔因為他/她的離職，閣下會退保，他/她的說法，閣下未必會同意/接受，但相信也是善意的。

希望解答到你。

你的agent事實是已經不在這個行業了，而他所說的兼職相信只是安慰你的說話，讓你和他自己都好過一點。因保險公司絕不會聘請沒有牌照和沒有登記在其名下的人仕銷售保險，他的所謂兼職跟本不被保險公司承認。唯一做兼職的途徑是私下與有牌照和登記的agent合作，瞞天過海，在保險公司和客戶都不知情下推銷保險，但這樣很容易惹上官非。
建議你，若想繼續持有這張單，要不放它在一旁，到要找人服務時就真接聯絡保險公司或其委派的agent；要不就與現時跟進的agent建立適當溝通，若你滿意他的服務就好辨了，否則就要求保險公司另找agent跟罷了，能否換到跟進的agent就要視乎不同保險公司的政策，相信若你堅持的話，成功機會都頗大的。
買保險是一項長期的決定，若寄望agent能服務一世的是有點不切實際，因有太多因素令agent離開公司甚至整個行業，沒有了這樣的寄望，你就會無咁迷惘吧。
我全職銷售保險超過21年，持有FChFP及RFC專業資格。

所有要做保險推銷工作既人...必須要係HKFI 度登記返合適既牌照... 無登記係唔可以做該類保單 (舉例:無投資相連資格 登記 係唔可以賣投資相連保單)

其實而家個問題..再唔係你朋友有無牌...而係你想唔想斷左份單姐...因為每份人壽或者投資相連保單都有現金價值... 你唔授權新AGENT 接手份單, 會有機會代表斷左份單... 你會有機會損失...

你考慮清楚你想點做..KEEP份單定唔KEEP, 亦可以打電話問返保險公司究竟事情係點樣... 再決定下一步點做..

我係保險經紀.... 一般黎講...你朋友甘做多數係因為跳槽先至甘樣同你講...
因為大部份保險公司要離職員工唔可以再接觸保險一段時間,先可以再去另一間度做... 我地叫做過冷河...