✔ 最佳答案
換床褥唔算動土?如果算,咁換床單去洗又算唔算呢?如果唔算,咁又點解唔算呢?咁轉季換被鋪又算唔算呢?如果都唔算,咁又點解唔算呢?其實算唔算都好,唔係人哋「話」算就係算,「話」唔算就唔算的,你自己都要諗吓有冇point解釋得到至得假!以我所識的,動土的「動」,意思係帶有motion的,例如有工程在進行中的,而唔係變動的「動」,風水學說上的「有煞的地方宜靜不宜動」,指的係不宜有事物振動、催動起煞氣的意思,舉例在煞方開動風扇就會催動起煞氣,影響到磁場,但變動(轉變)一把唔會開動的風扇係唔會影響週遭磁場的,重點係開動而唔係變動啊,所以我認為換床褥係唔算動土的,唔知有冇人認同呢?話說回來,五黃位動土的確係大忌嚟嘅,不過換床褥就唔算咯!就算以五行顏色論,換咗床褥上面都會蓋上床單加嘛,係咪?就算建議配合五行顏色的都好,係都係配合床單顏色而唔係床褥啦,給你這樣建議的幾有料到你自己心裡有數啦!