一線通平安手機vs浸會愛羣社OK Link關愛鈴 (20點)

我之前都比較過2間公司，因為我要幫我爸爸申請平安鐘。最後我申請左關愛鈴比我爸爸。

1. 其實每個網絡供應商都有強弱接收既，好難講哪一個好d

2. 關愛鈴是駁去集寶既控制室，但呢個控制室本來就係做緊平安鐘服務，因為集寶本身都有做平安鐘服務，個d staff全部都係訓練過的。我不時會同爸爸試機，佢地都非常好語氣同有耐性，我相信一線通都係

3. 2部機都係大陸做架, 不過好多手機都係大陸做架啦, 最緊要有保養同保養手續方便長者。關愛鈴個部係直機，一線通個部係摺機，最緊要你睇下你屋企人中意邊個款

4. mabelpierre講既一線通內容，關愛鈴都有喎，我爸好中意。關愛鈴既網頁係oklink.org.hk, 你可以去check下佢地d服務內容

5. 我爸申請關愛鈴個時有優惠價，$710機價, $120月費, 而家唔知仲有冇，你可以打去問下, 我見一線通個個比關愛鈴貴，不過我覺得你可以自己衡量下

1.用開手機都知道兩個台都差不多啦！

2.據我所知，一線通平安鐘嘅24小時服務中心係由長者安居服務協會全資管理，所有員工都受了訓練，唔會有義工喺24緊急服務中心當值，佢哋仲有社工同護士協助處理長者嘅情緒同健康需要添。
至於OK Link就好似話冇自資管理嘅24小時緊急服務中心，佢哋只係借做開保安的集寶控制室做call台。

3.一線通平安手機據聞係瑞典製做，香港都冇得賣，我見過外型同線條都好靚，因為喺百老匯同CSL舖都有得賣。而OK Link係一般街都見到嘅大字手提電話，講樣就唔夠型啦！

4.兩間都話自己有呢D服務，不過我有朋友嘅亞爸而家用緊一線通平安鐘嘅（喺屋企用，唔係手機果隻），佢話試過唔舒服噤鐘叫姑娘同佢約門診，服務又快、又準、姑娘D態度又好，唔會覺得老人家長氣同煩。天氣凍仲有姑娘打電話比佢叫佢著多件衫添呀！
至於手機轉駁我就唔係咁清楚啦！但係我搵咗條link比你，不如你自己入去睇吓啦！
http://www.schsa.org.hk/safetyphone/

http://www.easilink.hk/utcfs/ws-3218/Assets/PortaLink_leaflet_2.pdf

5.講價錢就係一線通嘅平安手機月費貴D，但我覺得價錢同服務要一齊講，正所謂一分錢一分貨，買比自己最愛嘅Mother，肯定要個好D啦！只要服務好，貴少少都係值得嘅，我都捻住喺母親節同父親節送番個比我亞爸同我亞媽！～