喳車做d咩會惹嬲隔離左右或後面既司機呀?

一個平時幾好皮氣嘅人, 好多時候一上到車對住前方其他司機嘅行為都會諸多挑剔.

心理學研究出嚟, 原來每個人同其他動物一樣都會將周遭嘅範圍"劃作"自己嘅"領土", 尤其前面嘅空間就更為緊張. 所以下次要 cut 過隔離線時記住早D打燈, 比晒 "請示" 隔離線後方嘅人, 咁就可以避免激嬲人地.

亦都有D好奉公守法嘅人見到其他人違法嘅行為就會好嬲 (揸車講電話, 掟煙頭出車, 超速, 抱住小朋友坐前面乘客位等). 因為佢地平時好循規蹈矩, 但見到其他人犯規而冇受到懲罰, 覺得自己比人佔便宜.

跟車亦都唔好跟太貼, 因為咁樣對前方司機構成壓力. 前車急剎你收唔切亦係你蝕底.

落雨天大霧天唔開燈, 或者好天時前後霧燈都開晒, 造成目炫, 一樣擾人.

大家奉公守法, 保持距離, 一人讓一步, 交通自然好啦!

最惹嬲人一定係駕駛時出現 "令到他人生命受到威脅" , 因為佢差d比你殺死