就黎會考,一科都未溫過點算好

而家乜都未開始溫，梗係無可能考試前溫得哂啦！唔好忘記，考試除左要溫書，溫得熟，融會貫通，仲要做past paper。如果你想有C，至少要做5年以上。
得把口講話想升中六唔夠架！！
你要知道，每年10萬人考會考，中六學額得3萬個左右，唔係真係咁易！
一般12分以上先搵到中六學位，即係至少6科D，加中英文一定要合格！如果好d既學校更加要收18分以上！你認為你做唔做到？？

與其上網問人點讀書，不如專專心心比心機溫重點，盡最後努力做past paper啦！

一定要做到中英兩科合格，最好就兩科都D或以上！否則升到中六都上唔到大學！

英文～
做comprehension既past paper，務求訓練到答題＋做卷技巧！記得要先睇題目問乜，有個概念篇野講乜，先入去睇passage，咁樣可以快d搵到答案！唔好side時間響某一條題目度，好好分配時間，如果諗一陣真係唔識就飛，唔好為一題而放棄之後既好多題！
listening paper記住preparation time要睇定d題目，圈低d重點，有個概念大概講乜／等陣段聲帶既內容。聽既時候要寫得快，用速記，如果為左一個字而寫／聽唔切之後既野就唔好！

數學～
做past paper至少5年！來來去去都翻炒果d題目！做past paper可以訓練控制答題時間，做卷要快而準！
Econ～
micro economics一定要溫熟Demand & Supply供求定律，要識分乜時候供／求升／跌，個圖點畫，呢度如果熟，可以幫到唔少！除此，Macro econ要識計數！Long question要睇marking scheme，知道乜野係計分，答題答重點就得，否則寫完長篇大論都唔計數。

Geo～
當全部concept好似聽故事咁記左去，都要熟讀d名詞，板塊活動，每個活動既過程／演變。MC要做past paper，如果好唔夠時間，long question睇marking scheme，知道人地點計分。

Commerce～
最唔使死讀，大概記d主要名詞，將d理論當故事咁睇入腦，融會貫通最重要！

淨係得把口話想升中六無用架！
少d上網，專心溫書，玩少d～
唔好到食放榜先黎後悔！
祝您好運！

首先你說英,數極差和一科都未溫過,你又想讀中六.唯一辦法是地獄式溫書即是狂練和練書中的練習及知識等練和溫回中四五的基礎再操PP及一有ANY時間就溫和買英文文法書來惡補

其次最後一分鐘,最多幫到你10-12%你靠課本`參考書或補習社,那最多臨考前十多分鐘來提醒一下你

最後,我勸你晝量不用電腦和不看電視,盡全力溫書及和自己說今天我一定要溫書否則無可升中六以增加溫書動力

2010-03-23 19:32:57 補充：
寫NOTES也重要

2010-03-24 09:45:48 補充：
中史,地理,經濟,商業唯一方法是死記和狂操PP因你是臨急抱佛腳,記住也要理解書中所說因單單死記通常也會死於不懂「轉彎」.環有ECON的定義題一定也要回應題目所設定的情景來答不要單單背定義否則那題會得到很少分.