請教一下,.facebook的利弊 ?

1.FACEBOOK(下稱FB)對青少年黎講,可以話有好有唔好.
首先,講下好處先.
青少年係在職或讀書其間都好需要認識朋友,擴闊社交網絡,FB可以幫到佢地.加上可以將人與人之間的距離拉近(係網上既拉近).六都可以認識到世界各地有
共同興趣的人,又可以參加唔同既社交活動,增廣見聞.
最大的好處係可以好快咁知道朋友的現況,動態和資訊,整個FB就好似一個大家庭.
講完好處,講壞處.
青少年係求學時期需要很多時間溫書做功課,但本人所見,很多青少年都瘋狂玩FB.從手機,到家中的電腦都不放過,要實行24小時上FB.上堂也要在FB中交談,有時看見一些人在CIT堂,也忍不住上FB玩樂一翻.即是容易沉迷.
上面講過,FB係可以令人既距離拉近,但多數只屬於網上性質.網上交談所需的勇氣比實際見面所需的勇氣小得多.係網上,你可以講到龍飛鳳舞,但一見面,就完全唔同.而且照片也可以用來騙人.
而我覺得最大的壞處係影響道德價值觀,增加網絡欺凌.之前有個電視節目帶出FB有很多關於自殺,網上暴力,欺凌既群組.某些用戶喜歡建立一些「反XXX」,「反某某某人」既群組,情況越黎越嚴重.群組既內容包括:惡意修改別人的相片(有時會含有不雅的成分),粗言穢語.其實呢D行為同現實中的欺凌冇分別.對方都係會受到嚴重傷害.
講完青少年就講親子關係.
其實本人完全唔覺有幫助,好多父母都唔會用FB,就算用,自佢地既仔女都唔俾佢地ADD做FD.試問,邊有仔女想知自己有情人,學業唔好或者自己唔開心?

2.我就未見過有呢個功能,但有得檢舉,例如,你見到有D內容係不良不雅既,你可以按下個內容右上角既檢舉按鈕,FB會問你,呢個內容有D咩問題.你同FB講左之後,佢自己會跟進.但你唔會知究竟有冇跟進到.

3.我諗FB既流行程度係在於MSN之下.MSN我諗係最多人用,FB應該係第2.FB就好似第2個MSN咁,只不過FB可以睇到人地既相片,資料(歲數,性別等)
大約每10個青少年就會有8個人有FB.無FB個D人都會俾人覺得OUT-__-"

4.呢個分別就大囉,有好多父母經常覺得子女用電腦係玩既,電腦網絡係唔好既.但子女就覺得,父母既諗法太守舊太OUT.
雖然政府有廣告宣傳網絡的效用,但收益好似不大.老實講,唔係有太多上一代的父母完全認識網絡世界,可能連電腦都唔識用.但佢地擔心既野係岩既,網絡上係有好多不良資訊,子女係未必識得分辨,當然,新一代既子女就唔係咁諗.所以先成日出現少女被強姦,青少年打機成癮,網上騙局的例子.

總結:
FB好與壞,在乎自己點樣用.當你自己小心D或尊重別人既話,我諗網絡世界會平和好多.

希望幫到你啦.
(轉貼既話,唔該唔好話係自己作-__-")

Lol